കൊളച്ചേരി :- പഞ്ചായത്ത് പ്രസിഡൻ്റിൻ്റെയും വൈസ് പ്രസിഡൻറിൻ്റെയും പുതിയ ഓഫീസ് മുറിയും പൊതുജനങ്ങൾക്ക് കാത്തിരിക്കാൻ വിശാല സൗകര്യങ്ങളുമായി വിശ്രമമുറിയുമായി കൊളച്ചേരി പഞ്ചായത്ത് ഓഫീസ് നവീകരിച്ചു.
പഞ്ചായത്ത് ഓഫീസിലെ നവീകരിച്ച പുതിയ അനക്സ് കെട്ടിടത്തിൻ്റെ ഉദ്ഘടാനം കൊളച്ചേരി ഗ്രാമ പഞ്ചായത്ത് പ്രസിഡന്റ്‌ കെ താഹിറ നിർവഹിച്ചു . വൈസ് പ്രസിഡന്റ്‌ എം അനന്തൻ മാസ്റ്റർ അധ്യക്ഷത വഹിച്ചു.
വാർഡ് മെമ്പർമാർ, പഞ്ചായത്ത് സെക്രട്ടറി രാഹുൽ രാമചന്ദ്രൻ , പഞ്ചായത്ത് ജീവനക്കാർ തുടങ്ങിയവർ പങ്കെടുത്തു.
ചടങ്ങിൽ വച്ച് പഞ്ചായത്തിന് ലഭിച്ച ISO സർട്ടിഫിക്കറ്റിൻ്റെ പ്രഖ്യാപനവും നടന്നു.
