മസ്ക്കറ്റ്: എയർ ഇന്ത്യ എക്സ്പ്രസ് വിമാനത്തിൽ പുക ഉയർന്നതിനെ തുടർന്ന് യാത്രക്കാരെ ഒഴിപ്പിച്ചു. മസ്ക്കറ്റ് വിമാനത്താവളത്തിൽ വെച്ചായിരുന്നു സംഭവം.
മസ്ക്കറ്റ്-കൊച്ചി IX-442 വിമാനത്തിൽ നിന്നാണ് പുക ഉയർന്നത്. വിമാനം റൺവേയിൽ പറക്കുന്നതിനായി തയ്യാറെടുത്ത് നിൽക്കുകയായിരുന്നുവെന്നാണ് വിവരം.
യാത്രക്കാരെ എമർജൻസി സ്ലൈഡുകളിലൂടെയാണ് ഇറക്കിയത്. 141 യാത്രക്കാരും ആറ് ക്രൂ അംഗങ്ങളുമാണ് വിമാനത്തിലുണ്ടായിരുന്നത്. എല്ലാവരും സുരക്ഷിതരാണെന്ന് അധികൃതർ അറിയിച്ചു. ഇതിനിടെ 14 പേർക്ക് പരിക്കേറ്റതായി ടൈംസ് ഓഫ് ഒമാൻ റിപ്പോർട്ട് ചെയ്തിട്ടുണ്ട്.
