ചെറുകുന്ന് :- ചെറുകുന്ന് അന്നപൂർണേശ്വരി ക്ഷേത്രം വിഷുവിളക്കുത്സവം ഏപ്രിൽ 13 മുതൽ 20 വരെ നടക്കും. എല്ലാ ദിവസവും വൈകീട്ട് ആറിന് ഉത്സവം പുറത്തെഴുന്നള്ളിക്കും. 13-ന് രാത്രി എട്ടിന് മഠത്തിലരയാൽക്കലേക്ക് ഉത്സവം എഴുന്നള്ളിക്കും. രാത്രി പത്തിന് തിടമ്പ് നൃത്തം.
ഏപ്രിൽ 14-ന് രാവിലെ 4.39 മുതൽ 5.12 വരെ വിഷുക്കണിദർശനം. രാത്രി ഒൻപതിന് ഉത്സവം എഴുന്നള്ളിപ്പ് ചുണ്ട പ്രയാങ്ങോട്ട് ശിവക്ഷേത്രത്തിലേക്ക്. രാത്രി ഒന്നിന് ചന്തം. രണ്ടിന് തിടമ്പ് നൃത്തം.
ഏപ്രിൽ 15-ന് രാത്രി എട്ടിന് കാഴ്ചവരവും ആചാരവെടിക്കെട്ടും, ഉത്സവം എഴുന്നള്ളിപ്പ് കണ്ണപുരം മാറ്റാങ്കിയിലേക്ക്.
ഏപ്രിൽ 16-ന് രാത്രി എട്ടിന് കാഴ്ചവരവും ആചാരവെടിക്കെട്ടും, ഉത്സവം എഴുന്നള്ളിപ്പ് കവിണിശ്ശേരിയിലേക്ക്.
ഏപ്രിൽ 17-ന് രാത്രി എട്ടിന് കാഴ്ചവരവും ആചാരവെടിക്കെട്ടും.
ഏപ്രിൽ 18-ന് രാത്രി ഒൻപതിന് ഉത്സവം എഴുന്നള്ളിപ്പ് ആയിരംതെങ്ങ്-മുങ്ങം ഭാഗത്തേക്ക്.
ഏപ്രിൽ 19-ന് രാത്രി എട്ടിന് പറശ്ശിനിമടപ്പുര വക കാഴ്ച വരവും ആചാരവെടിക്കെട്ടും. ഉത്സവം എഴുന്നള്ളിപ്പ് പാപ്പിനിശ്ശേരിയിലേക്ക്.
ഏപ്രിൽ 20-ന് പുലർച്ചെ നാലിന് ചിറ പ്രദക്ഷിണം, തിടമ്പ് നൃത്തം, വെടിക്കോട്ടയിൽ എഴുന്നള്ളിപ്പും ആചാരവെടിക്കെട്ടും. . ആറിന് അകത്തെഴുന്നെള്ളിപ്പ്. രാത്രി പത്തിന് കളത്തിലരിയും പാട്ടും.
എല്ലാ ദിവസവും രാവിലെ 10.30 മുതൽ 12.30 വരെ നാദസ്വരക്കച്ചേരിയും രണ്ട് മുതൽ മൂന്ന് വരെ ചാക്യാർകൂത്തും വൈകീട്ട് 3.30 മുതൽ 5.30 വരെ തായമ്പക, കേളി, കൊമ്പ് പറ്റ് എന്നിവയുമുണ്ടാകും.
