വയനാട് ദുരന്തം ; മുണ്ടക്കൈയിൽ ഉണ്ടായിരുന്നത് 400 ലധികം വീടുകൾ, അവശേഷിക്കുന്നത് വെറും 30 വീടുകൾ മാത്രം

കൽപറ്റ :- ഒരു ​ഗ്രാമം മുഴുവൻ ഉരുൾപൊട്ടലിൽ ഒലിച്ചുപോയ കാഴ്ചയാണ് മുണ്ടക്കൈയിൽ കാണാൻ സാധിക്കുന്നത്. മുണ്ടക്കൈയിൽ അവശേഷിക്കുന്നത് വെറും 30 വീടുകൾ മാത്രമെന്ന് പഞ്ചായത്ത് അധികൃതർ സാക്ഷ്യപ്പെടുത്തുന്നു. പഞ്ചായത്തിന്റെ രജിസ്റ്റർ പ്രകാരം 400 ലധികം വീടുകളാണ് ഇവിടെയുണ്ടായിരുന്നത്. ഇവിടുത്തെ സ്ഥിതി അതീവ ​ഗുരുതരമായി തുടരുകയാണ്. എങ്കിലും ഊർജ്ജിതമായി തന്നെ രക്ഷാപ്രവർത്തനങ്ങൾ തുടരുകയാണ്. വളർത്തുമൃ​ഗങ്ങൾ മാത്രം ബാക്കിയായ കണ്ണീർക്കാഴ്ചകളാണ് മുണ്ടക്കൈയിലെങ്ങും.