മയ്യിൽ : മയ്യിൽ ഗ്രാമ പഞ്ചായത്തിൻ്റെ വാർഷിക പദ്ധതിയുടെ ഭാഗമായി സംഘടിപ്പിച്ച കുട്ടികളുടെ ദ്വിദിന സഹവാസ ക്യാമ്പ് കുട്ടികളും രക്ഷിതാക്കളും നാട്ടുകാരും നെഞ്ചേറ്റി. വിവിധ സെഷനുകളിലായി പ്രജീഷ് വേങ്ങയുടെ 'ഇത്തിരിനേരം ഒത്തിരി കാര്യം' , സി.കെ സുരേഷ് ബാബുവിൻ്റെ 'ആകാശവിസ്മയം' , മനീഷ് സാരംഗിയുടെ 'നാടകക്കളരി' , രാജു പി കാഞ്ഞിലേരിയുടെ 'നിറച്ചാർത്ത് ' ശ്രീജിത്ത് കാഞ്ഞിലേരിയുടെ 'ശാസ്തച്ചെപ്പ് ' എന്നിവയെല്ലാം ആകർഷകവും വിദ്യാലയ കുടുംബത്തിന് വേറിട്ട അനുഭവവുമായി.
വാർഡ് മെമ്പർ സുചിത്ര എ.പി യുടെ അധ്യക്ഷതയിൽ ഔപചാരിക ഉദ്ഘാടനം മയ്യിൽ ഗ്രാമ പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷൻ എം.രവി മാസ്റ്റർ ഉദ്ഘാടനം ചെയ്തു. ചടങ്ങിൽ കാഞ്ചന കെ.വി , ടി.വി അസൈനാർ മാസ്റ്റർ ടി.രാജൻ മാസ്റ്റർ, ആർ.പി മെഹറുന്നിസ ടീച്ചർ, പി.പി രാജീവൻ മാസ്റ്റർ, കെ.വി സുമതി ടീച്ചർ, കെ. റജീന ടീച്ചർ എന്നിവർ സംസാരിച്ചു.
നാട്ടുകാർ നെഞ്ചേറ്റിയ സഹവാസ ക്യാമ്പ് വാർഷിക പദ്ധതിയിൽ ഉൾപ്പെടുത്തിയതിൽ വിദ്യാർത്ഥികൾ കൃതജ്ഞത രേഖപ്പെടുത്തി.
