ചേലേരി :- വളവിൽ ചേലേരി മരുതിയോട്ട് ശ്രീ തോട്ടുംകര ഭഗവതി ക്ഷേത്ര കളിയാട്ട മഹോത്സവം കുംഭം ഫെബ്രുവരി 23, 24 തീയ്യതികളിൽ നടക്കും.
ഫെബ്രുവരി 23 വ്യാഴാഴ്ച രാവിലെ 9മണിക്ക് നാറാത്ത് തൃക്കൺമഠം ശിവക്ഷേത്രം മേൽശാന്തി ദാമോദരൻ നമ്പൂതിരിപ്പാടിന്റെ മുഖ്യ കാർമ്മികത്വത്തിൽ ഗണപതി ഹോമവും തുടർന്ന് നാഗസ്ഥാനത്ത് നൂറും പാലും സമർപ്പണവും ഉണ്ടായിരിക്കും. വൈകുന്നേരം 6.30 ന് സന്ധ്യാവേല, 7 മണിക്ക് തോട്ടുംകരഭഗവതിയുടെ തോറ്റം, തുടർന്ന് ധർമ്മദൈവത്തിൻറ വെള്ളാട്ടം, പ്രസാദസദ്യ, ധർമ്മദൈവത്തിന്റെ നേർച്ചവെള്ളാട്ടം എന്നിവ നടക്കും.
ഫെബ്രുവരി 24 വെള്ളിയാഴ്ച പുലർച്ചെ തോട്ടുംകര ഭഗവതിയുടെ കൊടിയിലതോറ്റം, 4.30 ന് ധർമ്മദൈവത്തിന്റെ പുറപ്പാട്. തുടർന്ന് 5 മണിക്ക് തോട്ടുംകരഭഗവതിയുടെ പുറപ്പാട് എന്നിവ ഉണ്ടായിരിക്കും . രാവിലെ 8 മണിക്ക് വടക്കേബാവ് കർമ്മത്തോടെ കളിയാട്ട മഹോത്സവം സമാപിക്കും
