ശബരിമല :- ഇടവമാസ പൂജകൾക്കായി ശബരിമല നട തുറന്നു. ചൊവ്വാഴ്ച വൈകീട്ട് അഞ്ചിന് ശരണം വിളിയുടെ അകമ്പടിയിൽ മേൽശാന്തി പി.എൻ മഹേഷ് നമ്പൂതിരി നടതുറന്ന് നെയ്ത്തിരി തെളിച്ചു. തന്ത്രി കണ്ഠര് മഹേശ്വര് മോഹനരുടെ സാന്നിധ്യത്തിലായിരുന്നു നടതുറക്കൽ. തുടർന്ന് പതിനെട്ടാംപടിക്ക് താഴെ ആഴിയിൽ ദീപം പകർന്നു.
മലകയറിയെത്തിയ ഭക്തർ ഭഗവാനെ കണ്ടുതൊഴുതു. മറ്റ് വിശേഷാൽ 2 പൂജകളില്ലായിരുന്നു. മഴയെ അവഗണിച്ച് ആയിരങ്ങളാണ് സന്നിധാനത്തെത്തിയത്. ബുധനാഴ്ച പുലർച്ചെ നെയ്യഭിഷേകം 11-ന് 25 കലശമാടിയശേഷം ഉച്ചപ്പൂജയും നടന്നു. വൈകീട്ട് പടിപൂജയും നടക്കും. തുടർന്നുള്ള ദിവസങ്ങളിൽ സഹസ്രകലശം, കളഭാഭിഷേകം, ലക്ഷാർച്ചന, പടിപൂജ എന്നിവയുമുണ്ടാകും.
