മയ്യിൽ :- കളഞ്ഞു കിട്ടിയ 35,000 രൂപ തിരികെ നൽകി മാതൃകയായ സി.കെ ജിതേഷിനെ കവിളിയോട്ടുചാൽ യങ് സ്റ്റാർ സ്പോർട്സ് ക്ലബ്ബിന്റെ നേതൃത്വത്തിൽ അനുമോദിച്ചു. യങ് സ്റ്റാർ സ്പോർട്സ് ക്ലബ് ട്രഷററും വിമുക്ത ഭടനുമാണ്. മയ്യിൽ ഫെഡറൽ ബാങ്കിന് സമീപത്ത് നിന്നാണ് പണം കളഞ്ഞു കിട്ടിയത്. ഉടമസ്ഥനായ കയരളം മേച്ചേരിയിലെ ടി.കെ വിനീഷ് പോലീസ് സ്റ്റേഷനിൽ വന്ന് പണം ഏറ്റുവാങ്ങി.
യങ് സ്റ്റാർ സ്പോർട്സ് ക്ലബ്ബ് സെക്രട്ടറി ബാബു പണ്ണേരിയുടെ നേതൃത്വത്തിൽ ജിതേഷിൻ്റെ വീട്ടിൽ നടന്ന പരിപാടിയിൽ ക്ലബ് പ്രസിഡൻ്റ് കെ.സജിത്ത് അധ്യക്ഷത വഹിച്ചു. കെ.പി രാജീവൻ, മനോഹരൻ കെ.പി, കിരൺ എന്നിവർ സംസാരിച്ചു.പരിപാടിക്ക് സെക്രട്ടറി ബാബു പണ്ണേരി സ്വാഗതവും എൻ.കെ രജിത്ത് നന്ദിയും പറഞ്ഞു.
