മാഹി :- വൈദ്യുതിചാർജ് വർധനയിലും വൈദ്യുതിവകുപ്പ് സ്വകാര്യവൽക്കരണനീക്കത്തിനുമെതിരെ പുതുച്ചേരി സംസ്ഥാനത്ത് ബുധനാഴ്ച ഹർത്താൽ. മാഹിയിലും രാവിലെ ആറുമുതൽ വൈകിട്ട് ആറുവരെ ഹർത്താലാചരിക്കും. വൈദ്യുതി ചാർജ് കുത്തനെ വർധിപ്പിച്ച് ജനങ്ങളെ കൊള്ളയടിക്കുകയാണ് എൻആർ കോൺഗ്രസ്- ബിജെപി സർക്കാർ. വൈദ്യുതിവകുപ്പ് സ്വകാര്യകമ്പനികൾക്ക് കൈമാറാനുള്ള ഗൂഢനീക്കവും ഇതോടൊപ്പം തുടരുന്നു.
ആയിരക്കണക്കിന് കോടിരൂപ ആസ്‌തിയുള്ള വകുപ്പിനെ സ്വകാര്യ കമ്പനികൾക്ക് ചുരുങ്ങിയ വിലയ്ക്ക് വിൽക്കാനാണ് ശ്രമം. ലാഭം മാത്രം ലക്ഷ്യമാക്കി പ്രവർത്തിക്കുന്ന മുതലാളിമാർക്ക് വകുപ്പ് വിൽപ്പന നടത്തിയാൽ അതിന്റെ ഭാരവും ജനങ്ങൾ പേറേണ്ടിവരും. തോന്നിയത് പോലെ വിലകുട്ടും. സബ്സിഡിയടക്കം ഇല്ലാതാക്കും. സംസ്ഥാന സർക്കാർ തുടരെ സ്വീകരിക്കുന്ന ജനവിരുദ്ധ നടപടിളിൽ ഒടുവിലത്തേതാണ് വൈദ്യുതി ചാർജ് വർധന. ഹർത്താൽ വിജയിപ്പിക്കാൻ സിപിഐഎം മാഹി, പള്ളൂർ ലോക്കൽ കമ്മിറ്റികൾ അഭ്യർഥിച്ചു.
