ബൈക്കിന് സൈഡ് കൊടുത്തില്ലെന്ന് ആരോപിച്ച് കമ്പിലിൽ ബസ്സ് തടഞ്ഞ് ബൈക്ക് യാത്രികൻ്റെ പരാക്രമം; ബസ്സ് ജീവനക്കാരനും യാത്രക്കാരനും മർദ്ദനമേറ്റു

കമ്പിൽ :- ബൈക്കിന് സൈഡ് കൊടുത്തില്ലെന്ന് ആരോപിച്ച് കമ്പിലിൽ  ബൈക്ക് യാത്രികൻ ബസ്സ് തടഞ്ഞ് ബസ്സിനു നേരെ പരാക്രമം കാട്ടി.ഇന്ന് രാത്രി 8 മണിയോടെ മയ്യിൽ ചാലോട് റൂട്ടിൽ സർവ്വീസ് നടത്തുന്ന ഐശ്വര്യ ബസ്സിൽ  കമ്പിൽ വച്ചാണ് സംഭവം.

 അക്രമികൾ ഹെൽമറ്റും കല്ലുമായി ബസ്സ് ജീവനക്കാരെ മർദ്ദിക്കാൻ ബസ്സിൽ കയറുകയും  ബസ്സിൽ ഭീകരാന്തരീക്ഷം സൃഷ്ടിക്കുകയുമായിരുന്നു. ഇവരുടെ അക്രമത്തിൽ ബസ്സിലെ  യാത്രക്കാരനും ജീവനക്കാരനും മർദ്ദനമേറ്റു. 

മലയാള മനോരമ ജീവനക്കാരനായ കണ്ടക്കൈ സ്വദേശിയായ രാധാകൃഷ്ണനാണ് പരിക്കേറ്റ യാത്രികൻ. തലയ്ക്ക് പരിക്കേറ്റ ഇദ്ദേഹം ആശുപത്രിയിൽ ചികിത്സയിലാണ്. ബസ്സ് കണ്ടക്ടറായ രജീഷിനും പരിക്കേറ്റു.