ആലപ്പുഴ :- ആലപ്പുഴ നൂറനാട് നാലാംക്ലാസുകാരിയെ മർദിച്ച കേസിൽ പിടിയിലായ അച്ഛനെയും രണ്ടാനമ്മയെയും ഇന്ന് കോടതിയിൽ ഹാജരാക്കും. ഇരുവരും ഇന്നലെ രാത്രിയാണ് പിടിയിലായത്. കുട്ടിയുടെ അച്ഛനെ പത്തനംതിട്ട അടൂരിനടുത്ത് കടമാൻകുളത്തുനിന്നും രണ്ടാനമ്മയെ കൊല്ലത്ത് നിന്നുമാണ് പൊലീസ് പിടികൂടിയത്. ഇരുവരുടെയും മാസങ്ങൾക്ക് മുൻപ് ഉള്ള ഫോൺകോൾ വിവരങ്ങൾ ഉൾപ്പടെ പൊലീസ് ശേഖരിച്ചിരുന്നു. പ്രതികളെ നൂറനാട് സ്റ്റേഷനിൽ എത്തിച്ചു. ഇന്ന് വിദ്യാഭ്യാസ മന്ത്രി വി ശിവൻകുട്ടി മർദനമേറ്റ കുഞ്ഞിനെ നേരിൽ കാണും. നൂറനാട്ടെ വീട്ടിൽ എത്തിയാണ് കാണുക. കുഞ്ഞ് മുത്തശ്ശിയുടെ സംരക്ഷണത്തിലാണ് കഴിയുന്നത്.
