കണ്ണൂർ: മഹാത്മാഗാന്ധി ദേശീയ തൊഴിലുറപ്പ് പദ്ധതി അട്ടിമറിക്കാനുള്ള കേന്ദ്ര സർക്കാർ നീക്കം ഉപേക്ഷിക്കണമെന്ന് കേരള സ്റ്റേറ്റ് കർഷക തൊഴിലാളി യൂണിയൻ (കെ.എസ്.കെ.ടി.യു) കൊളച്ചേരി വില്ലേജ് സമ്മേളനം ആവശ്യപ്പെട്ടു. ഗ്രാമീണ മേഖലയിലെ ദാരിദ്ര്യ നിർമാർജന രംഗത്ത് ചരിത്രപരമായ മാറ്റം കുറിച്ച പദ്ധതിയാണ് ഫണ്ട് വെട്ടിക്കുറച്ചും പുതിയ നിയന്ത്രണങ്ങൾ അടിച്ചേൽപ്പിച്ചും ഇല്ലാതാക്കാൻ ശ്രമിക്കുന്നത്. സംസ്ഥാനങ്ങളുടെ മേൽ അധിക ബാധ്യത അടിച്ചേൽപ്പിക്കുന്ന നടപടി തിരുത്തണമെന്നും കാർഷിക തൊഴിൽ മേഖലയ്ക്ക് പദ്ധതിയിൽ കൂടുതൽ പ്രാധാന്യം നൽകണമെന്നും സമ്മേളനം അധികൃതരോട് അഭ്യർത്ഥിച്ചു.
കൊളച്ചേരിയിൽ നടന്ന വില്ലേജ് സമ്മേളനം വില്ലേജ് പ്രസിഡന്റ് വി. രമേശന്റെ അധ്യക്ഷതയിൽ കണ്ണൂർ ജില്ലാ ജോയിന്റ് സെക്രട്ടറി പി. രമേഷ് ബാബു ഉദ്ഘാടനം ചെയ്തു. സി. പത്മനാഭൻ പ്രവർത്തന റിപ്പോർട്ട് അവതരിപ്പിച്ചു. യോഗത്തിൽ പി.വി. ഉണ്ണികൃഷ്ണൻ, സി. സുജാത, ഹരിദാസൻ എന്നിവർ സംസാരിച്ചു.
ഭാരവാഹികൾ:
വി. രമേശൻ (പ്രസിഡന്റ്)
എ. കാഞ്ചന (വൈസ് പ്രസിഡന്റ്)
സി. പത്മനാഭൻ (സെക്രട്ടറി)
എ.പി. പ്രമോദ് കുമാർ (ജോയിന്റ് സെക്രട്ടറി)
