മാണിയൂർ:- സുബഹ് നിസ്കാരത്തിനെത്തുന്ന വിശ്വാസികൾക്ക് സനേഹത്തിന്റെ മധുരമേകി തണ്ടപുറം ജുമാമസ്ജിദിലെ ചായ സൽക്കാരം ശ്രദ്ധേയമാകുന്നു. പള്ളി കമ്മറ്റിയുടെ പൂർണ്ണ പിന്തുണയോടെ നടന്നു വരുന്ന ഈ മഹത്തായ സംരംഭം പ്രദേശത്ത് മത-സാമൂഹിക ഐക്യത്തിന്റെയും സഹകരണത്തിന്റെയും ഊഷ്മളമായ മാതൃകയായി മാറിയിരിക്കുകയാണ്.
ദിവസവും സുബഹ് നിസ്കാരാനന്തരം പള്ളിയിൽ ഒത്തുകൂടുന്ന വിശ്വാസികൾക്ക് ചൂട് ചായ നൽകിവരുന്നത് നന്മമനസ്സുള്ള ചില വ്യക്തികളുടെ സാമ്പത്തിക സഹകരണത്തോടെയാണ്. സൽക്കാരത്തിന് ഉത്തകന്റെ വിടെ സലാം, മൊട്ടക്കൽ ഇബ്രാഹിം എന്നിവർ മുന്നിൽ നിന്ന് നേതൃത്വം നൽകുന്നു. നാട്ടുകാർക്കിടയിൽ വലിയ സ്വീകാര്യത നേടിയ ഈ നിത്യ ചായ സൽക്കാരത്തിൽ ദിവസേന നിരവധി ആളുകളാണ് പങ്കെടുക്കുന്നത്. പള്ളി കമ്മറ്റി ഭാരവാഹികളുടെ മേൽനോട്ടത്തിലാണ് പരിപാടികൾ ക്രമീകരിക്കുന്നത്.
