കൊളച്ചേരി:-ചാത്തമ്പള്ളിക്കാവ് കളിയാട്ട മഹോത്സവത്തോടനുബന്ധിച്ച് IRPC-യും കമ്പിൽ ന്യൂമെഡ് ആശുപത്രിയും സംയുക്തമായി ഏർപ്പെടുത്തിയ ഹെൽപ്പ് ഡസ്ക് പ്രവർത്തനമാരംഭിച്ചു. കണ്ണൂർ ജില്ലാ പഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ പി. രവീന്ദ്രൻ ഉദ്ഘാടനം നിർവഹിച്ചു.
ഐ.ആർ.പി.സി. മയ്യിൽ സോണൽ ചെയർമാൻ എൻ. അശോകൻ ചടങ്ങിൽ അധ്യക്ഷത വഹിച്ചു. ഡോ. സായൂജ് ഹെൽപ്പ് ഡസ്കിന്റെ പ്രവർത്തനങ്ങളെക്കുറിച്ച് വിശദീകരണം നടത്തി.
ശ്രീധരൻ സംഘമിത്ര, സി. പുരുഷോത്തമൻ, സി. ഭരതൻ, എം.വി. ഷിജിൻ, അക്ഷയ് പി., പി.പി. നാരായണൻ എന്നിവർ ആശംസകൾ നേർന്നു സംസാരിച്ചു. പി.പി. കുഞ്ഞിരാമൻ സ്വാഗതവും കെ. രാമകൃഷ്ണൻ നന്ദിയും പറഞ്ഞു.
