തിരുവനന്തപുരം:- തിരുവനന്തപുരത്തുനിന്നും മംഗളൂരുവില്‍നിന്നും ചെന്നൈയിലേക്കും തിരിച്ചും സ്പെഷല്‍ ട്രെയിനുകള്‍ അനുവദിച്ചതായി റെയില്‍വേ അറിയിച്ചു.
മംഗളൂരു – ചെന്നൈ സ്പെഷല്‍ ട്രെയിന്‍ (02602) സെപ്റ്റംബര്‍ 27ന് മംഗളൂരുവില്‍നിന്നും ചെന്നൈ – മംഗളൂരു സ്പെഷല്‍ ട്രെയിന്‍ (02601) 28ന് ചെന്നൈയില്‍നിന്നും സര്‍വിസ് തുടങ്ങും. ചെന്നൈ – തിരുവനന്തപുരം ട്രെയിന്‍ സെപ്റ്റംബര്‍ 27ന് ചെന്നൈയില്‍നിന്നും 28ന് തിരുവനന്തപുരത്തുനിന്നും സര്‍വിസ് തുടങ്ങും.
ചെന്നൈ – മംഗളൂരു പ്രതിദിന ട്രെയിന്‍ രാത്രി 8.10ന് ചെന്നൈയില്‍നിന്ന് പുറപ്പെടുന്ന ട്രെയിന്‍ അടുത്ത ദിവസം ഉച്ചക്ക് 12.10ന് മംഗളൂരുവിലെത്തും. ഉച്ച 1.30ന് മംഗളൂരുവില്‍നിന്ന് പുറപ്പെടുന്ന ട്രെയിന്‍ അടുത്ത ദിവസം പുലര്‍ച്ചെ 5.35ന് ചെന്നൈയിലെത്തും.
പാലക്കാട് ജങ്ഷന്‍, ഒറ്റപ്പാലം, ഷൊര്‍ണൂര്‍, പട്ടാമ്പി, കുറ്റിപ്പുറം, തിരൂര്‍, താനൂര്‍, പരപ്പനങ്ങാടി, ഫറോക്ക്, കോഴിക്കോട്, കൊയിലാണ്ടി, വടകര, മാഹി, തലശ്ശേരി, കണ്ണൂര്‍, പഴയങ്ങാടി, പയ്യന്നൂര്‍, ചെറുവത്തൂര്‍, കാഞ്ഞങ്ങാട്, കാസര്‍കോട്, മഞ്ചേശ്വരം എന്നിവയാണ് കേരളത്തിലെ സ്റ്റോപ്പുകള്‍.
ചെന്നൈ – തിരുവനന്തപുരം പ്രതിദിന ട്രെയിന്‍ ചെന്നൈയില്‍നിന്ന് ദിവസവും രാത്രി 7.45ന് പുറപ്പെടുന്ന ചെന്നൈ – തിരുവനന്തപുരം സ്പെഷല്‍ (02623) അടുത്തദിവസം രാവിലെ 11.45ന് തിരുവനന്തപുരത്തെത്തും. തിരുവനന്തപുരത്തുനിന്ന് ഉച്ചക്ക് മൂന്നിന് പുറപ്പെടുന്ന തിരുവനന്തപുരം – ചെന്നൈ സ്പെഷല്‍ (02624) അടുത്തദിവസം രാവിലെ 7.40ന് ചെന്നൈയിലെത്തും.
പേട്ട, വര്‍ക്കല, കൊല്ലം, കായംകുളം, മാവേലിക്കര, ചെങ്ങന്നൂര്‍, തിരുവല്ല, ചങ്ങനാശ്ശേരി, കോട്ടയം, തൃപ്പൂണിത്തുറ, എറണാകുളം ടൗണ്‍, ആലുവ, അങ്കമാലി, തൃശൂര്‍, പാലക്കാട് എന്നിവിടങ്ങളിലാണ് കേരളത്തിലെ സ്റ്റോപ്പുകള്‍.
