തിരുവനന്തപുരം :- സംസ്ഥാനത്തെ വിവിധ കെഎസ്എഫ് ഇ ശാഖകളിൽ ഇന്നലെ ആരംഭിച്ച വിജിലൻസിന്റെ മിന്നൽ പരിശോധന ഇന്നും തുടന്നു .സംസ്ഥാനത്തെ മുപ്പതോളം ശാഖകളിൽ വിജിലൻസ് റെയിഡ് നടത്തി.കണ്ണൂർ കാൾടെക്സ്, താഴെചൊവ്വ ശാഖളിലാണ് കഴിഞ്ഞ ദിവസം മുതൽ വിജിലൻസ് പരിശോധന നടത്തിയത്. ഓപ്പറേഷൻ ബചത് എന്ന പേരിലാണ് ഇന്നലെ പരിശോധന നടത്തിയത്. ചിട്ടികളിലെ ക്രമക്കേടുമായി ബന്ധപ്പെട്ടാണ് പരിശോധന.
ബ്രാഞ്ച് മാനേജറുമാരുടെ ഒത്താശയോടെ ചില വ്യക്തികൾ ബിനാമി ഇടപാടിൽ ക്രമക്കേട് നടത്തുന്നതായുളള പരാതികളെ തുടർന്നായിരുന്നു പരിശോധന.
റെയ്ഡിൽ വിവിധ ബ്രാഞ്ചുകളിൽ ഗുരുതര ചട്ട ലംഘനങ്ങളാണ് കണ്ടെത്തിയത്. ബ്രാഞ്ച് മാനേജർമാരുടെ ഒത്താശയോടെ പണം വകമാറ്റിയെന്നും കള്ളപ്പണം വെളുപ്പിച്ചെന്നും കണ്ടെത്തി. വലിയ ചിട്ടി കളിൽ ചേരാൻ ആളില്ലാതെ വരുമ്പോൾ കെഎസ് എഫ് ഇ യുടെ തനത് ഫണ്ടിൽ നിന്നും ചിട്ടിയടച്ച് ചില മാനേജർമാർ കള്ളക്കണ ക്ക് തയാറാക്കുന്നതായും കണ്ടെത്തൽ.
നാല് കെ എസ് എഫ് ഇ കളിൽ സ്വർണ്ണ പണയത്തിലും തട്ടിപ്പ് കണ്ടെത്തിയിട്ടുണ്ട്. ഈടായി വാങ്ങുന്ന സ്വർണം സുരക്ഷിതമല്ലാതെ സൂക്ഷിക്കുന്നുവെന്നും കണ്ടെത്തി. ശാഖകളിലെ ക്രമക്കേടുകൾ നടപടി ശുപാർശയോടെ സർക്കാരിന് കൈമാറുമെന്ന് വിജിലൻസ് അറിയിച്ചു.
