പറശ്ശിനിക്കടവ്: - കോവിഡ് ജാഗ്രതാ നിർദേശം മാനിച്ച് പറശ്ശിനി മടപ്പുരയിൽ പത്തുവയസ്സിനു താഴെ പ്രായമുള്ള കുട്ടികൾക്കും 65 വയസ്സിന് മുകളിൽ പ്രായമുള്ളവർ, ഗർഭിണികൾ എന്നിവർക്കും ദർശനത്തിൽ നിയന്ത്രണം ഏർപ്പെടുത്തി. കളക്ടറുടെ നിർദ്ദേശത്തെ തുടർന്നാണ് കർശന നിയന്ത്രണം ഏർപ്പെടുത്തിയത്. ഒരേസമയം 20 ൽ കൂടുതൽ ആളുകൾ ക്ഷേത്രത്തിലേക്ക് പ്രവേശിക്കരുതെന്നും അധികൃതർ വ്യക്തമാക്കി. ഈ കാര്യങ്ങളിൽ ഭക്തർ പറശ്ശിനി മുത്തപ്പൻ മടപ്പുര ട്രസ്റ്റുമായി സഹകരിക്കണമെന്ന് മടപ്പുര അധികൃതർ അറിയിച്ചു.
