ചേലേരി :- ചേലേരിയിലെ പ്രമുഖ കോൺഗ്രസ്സ് നേതാവും സാമൂഹ്യ സാംസ്കാരിക പ്രവർത്തകനും അവിഭക്ത ഇരിക്കൂർ ബ്ലോക്ക് കോൺഗ്രസ്സ് ജനറൽ സെക്രട്ടറിയുമായിരുന്ന എം.എൻ ചേലേരിയുടെ 46-ാം ചരമവാർഷിക ദിനം ചേലേരി മണ്ഡലം കോൺഗ്രസ്സ് കമ്മറ്റിയുടെയും ചേലേരി മുഹമ്മദ് അബ്ദുറഹിമാൻ സ്മാരക വായനശാലയുടെയും നേതൃത്വത്തിൽ സമുചിതമായി ആചരിച്ചു.
രാവിലെ ഛായാചിത്രത്തിൽ പുഷ്പാർച്ചന നടത്തി. പുഷ്പാർച്ചനയ്ക്ക് ചേലേരി മണ്ഡലം കോൺഗ്രസ്സ് പ്രസിഡണ്ട് എൻ.വി.പ്രേമാനന്ദൻ നേതൃത്വം നൽകി.
അനുസ്മരണ യോഗം ദളിത് കോൺഗ്രസ്സ് സംസ്ഥാന ജനറൽ സെക്രട്ടറി ശ്രീ ദാമോദരൻ കൊയിലേരിയൻ ഉദ്ഘാടനം ചെയ്തു. അബ്ദുറഹിമാൻ സ്മാരക വായനശാല പ്രസിഡണ്ട് ശ്രീ സി.കെ.ജനാർദ്ദനൻ മാസ്റ്റർ അദ്ധ്യക്ഷം വഹിച്ചു.എം.എൻ.ചേലേരിയെ അനുസ്മരിച്ച് കൊണ്ട് കൊളച്ചേരി ബ്ലോക്ക് ജനറൽ സെക്രട്ടറി സി.ശ്രീധരൻ മാസ്റ്റർ പ്രഭാഷണം നടത്തി.
ബ്ലോക്ക് വൈസ് പ്രസിഡണ്ട് കെ.വി.പ്രഭാകരൻ, മണ്ഡലം വൈസ് പ്രസിഡണ്ട് കെ.മുരളീധരൻ മാസ്റ്റർ, മണ്ഡലം ജനറൽ സെക്രട്ടറി ഇ.പി.മുരളീധരൻ, എം.സി.അലിലേഷ് എന്നിവർ പ്രസംഗിച്ചു. വായനശാല സെക്രട്ടറി പി.കെ.രഘുനാഥൻ സ്വാഗതവും ബൂത്ത് പ്രസിഡണ്ട് കെ.ഭാസ്കരൻ നന്ദിയും പറഞ്ഞു.
