കമ്പിലിലെ പഞ്ചായത്ത് വായനശാല കെട്ടിടത്തിൽ നല്ല നിലയിൽ ജനങ്ങൾക്ക് ഉപകാരപ്രദമായ പ്രവർത്തിച്ച് വന്നിരുന്ന ഡിസ്പൻസറി പള്ളിപറമ്പിൽ പഞ്ചായത്ത് നിർമ്മിച്ച സ്വന്തം കെട്ടിടത്തിലേക്ക് മാറ്റുകയുണ്ടായി . വാഹനം സൗകര്യം തീരെ കുറവായ പള്ളിപറമ്പിൽ മാറ്റിയ ഘട്ടത്തിൽ ഉയർന്ന് വന്ന ജനകീയ പ്രക്ഷോഭത്തിൻ്റ ഭാഗമാണ് ആഴ്ചയിൽ രണ്ട് ദിവസം കമ്പിൽ ബസാറിൽ സബ് സെൻററായി പ്രവർത്തനം നടത്താൻ സർക്കാർ അനുമതി നൽകിയത് .
പള്ളിപറമ്പിൽ 4 ദിവസത്തെ പ്രവർത്തി ദിനത്തിൽ വരുന്നതിനേക്കാൾ രോഗികൾ 2 ദിവസം പ്രവർത്തിക്കുന്ന കമ്പിൽ എത്തിചേരുന്നുണ്ട് .
കൂടുതൽ ജനങ്ങളിലേക്ക് സേവനം എത്തുന്നതിനായി ആയുർവേദ ആശുപത്രിയുടെ സബ് സെൻററിൻ്റ പ്രവർത്തി ദിനങ്ങൾ വർദ്ധിപ്പിക്കണമെന്ന് CPM ചെറുക്കുന്ന് ബ്രാഞ്ച് സമ്മേളനം പ്രമേയത്തിലൂടെ ആവശ്യപെട്ടു.
എ ഒ പവിത്രൻ അധ്യക്ഷനായി.വി.ഓമന റിപ്പോർട്ട് അവതരിപ്പിച്ചു .
