ചേലേരി:- രാഷ്ട്രപിതാവ് മഹാത്മ ഗാന്ധിയുടെ 152 - മത് ജന്മവാർഷിക ദിനം ചേലേരി മണ്ഡലം കോൺഗ്രസ്സ് കമ്മറ്റിയുടെ നേതൃത്വത്തിൽ വിവിധ പരിപാടികളോടെ ആഘോഷിച്ചു.
രാവിലെ ചേലേരിമുക്ക് അബ്ദുറഹിമാൻ സ്മാരക മന്ദിരത്തിൽ ഛായാച്ചിത്രത്തിൽ പുഷ്പാർച്ചനയും അനുസ്മരണവും പ്രാർത്ഥനാ യോഗവും നടത്തി.
പരിപാടി DCC മെമ്പർ എം അനന്തൻ മാസ്റ്റർ ഉദ്ഘാടനം ചെയ്തു. അബ്ദുറഹിമാൻ സ്മാരക വായനശാല പ്രസിഡണ്ട് സി.കെ. ജനാർദ്ദനൻ മാസ്റ്റർ, ദളിത് കോൺഗ്രസ്സ് സംസ്ഥാന ജനറൽ സെക്രട്ടറി ദാമോദരൻ കൊയിലേരിയൻ, KSS PA ബ്ലോക്ക് പ്രസിഡണ്ട് പി.കെ. പ്രഭാകരൻ മാസ്റ്റർ, മണ്ഡലം വൈസ് പ്രസിഡണ്ട് കെ. മുരളീധരൻ മാസ്റ്റർ എന്നിവർ പ്രസംഗിച്ചു.
മണ്ഡലം പ്രസിഡണ്ട് എൻ.വി. പ്രേമാനന്ദൻ അദ്ധ്യക്ഷം വഹിച്ചു. ബ്ലോക്ക് സെക്രട്ടറി പി.കെ. രഘുനാഥൻ സ്വാഗതവും, മണ്ഡലം ജനറൽ സെക്രട്ടറി ഇ.പി. മുരളീധരൻ നന്ദിയും പറഞ്ഞു.
വന്ദേമാതര ആലാപനത്തോടെ ആരംഭിച്ച പരിപാടി ദേശീയ ഗാനത്തോടെ സമാപിച്ചു.
