തിരുവനന്തപുരം :- സംസ്ഥാനത്ത് 44 പേർക്ക് കൂടി ഒമിക്രോൺ സ്ഥിരീകരിച്ചതായി മന്ത്രി വീണാ ജോർജ് അറിയിച്ചു. അതിവേഗം പടരാൻ സാധ്യതയുള്ളതിനാൽ ഓരോരുത്തരും അതീവ ജാഗ്രത പാലിക്കണമെന്ന് മന്ത്രി അറിയിച്ചു. എറണാകുളം 12, കൊല്ലം 10, തിരുവനന്തപുരം 8, തൃശൂർ 4, കോട്ടയം, പാലക്കാട്, മലപ്പുറം, കണ്ണൂർ 2 വീതം, ആലപ്പുഴ, ഇടുക്കി 1 വീതം പേർക്കാണ് ഒമിക്രോൺ സ്ഥിരീകരിച്ചത്. ഇതിൽ 10 പേർ ഹൈ റിസ്ക് രാജ്യങ്ങളിൽനിന്നും 27 പേർ ലോ റിസ്ക് രാജ്യങ്ങളിൽനിന്നും വന്നതാണ്. 7 പേർക്കാണ് സമ്പർക്കത്തിലൂടെ ബാധിച്ചത്.കൊല്ലം 4, കോട്ടയം 2, തിരുവനന്തപുരം 1 എന്നിങ്ങനെയാണ് സമ്പർക്കബാധ.
എറണാകുളത്ത് 4 പേർ യുഎഇയിൽ നിന്നും, 3 പേർ യുകെയിൽ നിന്നും, 2 പേർ ഖത്തറിൽ നിന്നും, ഒരാൾ വീതം ദക്ഷിണാഫ്രിക്ക, ഇസ്രയേൽ, മാൾട്ട എന്നിവിടങ്ങളിൽനിന്നും വന്നതാണ്. കൊല്ലത്ത് 5 പേർ യുഎഇയിൽ നിന്നും, ഒരാൾ ഈസ്റ്റ് ആഫ്രിക്കയിൽനിന്നും വന്നതാണ്. തിരുവനന്തപുരത്ത് 6 പേർ യുഎഇയിൽ നിന്നും ഒരാൾ ഖത്തറിൽ നിന്നും വന്നതാണ്. തൃശൂരിൽ 3 പേർ യുഎഇയിൽനിന്നും ഒരാൾ യുകെയിൽ നിന്നും വന്നു. പാലക്കാട്ട്, നൈജീരിയ, യുഎഇ എന്നിവിടങ്ങളിൽനിന്നും മലപ്പുറത്ത് യുകെ, സ്പെയിൻ എന്നിവിടങ്ങളിൽനിന്നും, കണ്ണൂരിൽ സ്വീഡൻ, യുഎഇ എന്നിവിടങ്ങളിൽനിന്നും, ആലപ്പുഴയിൽ ഇറ്റലിയിൽനിന്നും, ഇടുക്കിയിൽ സ്വീഡനിൽനിന്നും വന്നതാണ്.
ഇതോടെ സംസ്ഥാനത്ത് ആകെ 107 പേർക്കാണ് ഒമിക്രോൺ സ്ഥിരീകരിച്ചത്. ഹൈ റിസ്ക് രാജ്യങ്ങളിൽനിന്നും ആകെ 41 പേരും ലോ റിസ്ക് രാജ്യങ്ങളിൽനിന്ന് 52 പേരും എത്തി. 14 പേർക്കാണ് ആകെ സമ്പർക്കത്തിലൂടെ രോഗം സ്ഥിരീകരിച്ചത്. യുഎഇയിൽനിന്നും വന്നവർക്കാണ് ഏറ്റവും കൂടുതൽ സ്ഥിരീകരിച്ചത്. 29 പേരാണ് യുഎഇയിൽ നിന്നുമെത്തിയത്. യുകെയിൽ നിന്നുമെത്തിയ 23 പേർക്കും ഒമിക്രോൺ ബാധിച്ചു.
ഒമിക്രോൺ ബാധിതർ, ജില്ലതിരിച്ച്
എറണാകുളം 37
തിരുവനന്തപുരം 26
കൊല്ലം 11
തൃശൂർ 9
പത്തനംതിട്ട 5
ആലപ്പുഴ 5
കണ്ണൂർ 4
കോട്ടയം 3
മലപ്പുറം 3
പാലക്കാട് 2
കോഴിക്കോട് 1
ഇടുക്കി 1
