കണ്ണാടിപറമ്പ്:- നാറാത്ത് ഗ്രാമ പഞ്ചായത്ത്‌ ഭരണസമിതിയുടെയും പഞ്ചായത്ത്‌ പ്രസിഡണ്ടിന്റെയും ഏകപക്ഷിയവും സ്വജനപക്ഷപാതവുമായ നിലപാട് സ്വികരിക്കുന്നതിൽ പ്രതിക്ഷേധിച്ച് യുഡി എഫ് വാർഡ് മെമ്പർമാർ ഗ്രാമ പഞ്ചായത്ത്‌ സെക്രട്ടറി അബ്ദുൽ ഖാദറിന് പരാതി നൽകി.
നാറാത്ത് ഗ്രാമ പഞ്ചായത്ത്‌ ഭരണസമിതിയുടെ പദ്ധതി പ്രവർത്തനങ്ങളിലും, ദൈനദിന കാര്യങ്ങളിലും ഭരണ സമിതി യോഗങ്ങളിലുൾപ്പെടെ കാണിക്കുന്ന ഏകപക്ഷിയ ഏകാദിപത്യ നിലപാടുകളെ കുറിച്ചു നേരത്തെ UDF മെമ്പർ പ്രതിഷേധിച്ചിരുന്നു.
പഞ്ചായത്ത്‌ ഭരണസമിതിയുടെ പ്രധാന പ്രവർത്തനങ്ങളായ പദ്ധതി രൂപീകരണ നിർവ്വഹണ പ്രവർത്തനങ്ങളിൽ UDF പ്രതിനിധാനം ചെയ്യുന്ന വാർഡുകളിൽ പ്രവർത്തികളുടെയും നാറാത്ത് പഞ്ചായത്തിന്റെ പുരോഗതിക്കാവശ്യമായ നിർദേശങ്ങളും, അഭിപ്രായങ്ങളും, രാഷ്ട്രീയ ചായ് വ് ഓടെ തള്ളികളയുയുന്നത് പതിവാകുകയും ചെയ്യുകയാണ്.
ഭരണ സമിതി തീരുമാനമില്ലാതെ, മെമ്പർ മാരെ അറിയിക്കാതെ പദ്ധതി നടത്തിപ്പിനെ ബാധിക്കുന്ന അനാവശ്യ ഇടപെടലുകൾ നടത്തുന്നതിൽ പ്രതിഷേധിച്ചാണ് ഗ്രാമ പഞ്ചായത്ത്‌ സെക്രട്ടറിക്ക് പരാതി നൽകിയത്.പരാതിയുടെ കോപ്പി ജില്ലാ കലക്ടർ, ഡിഡിപി എന്നിവർക്കും നൽകി.
ആരോഗ്യ സ്റ്റാൻഡിങ് കമ്മിറ്റി ചെയർമാൻ കെ. എൻ. മുസ്തഫ, മെമ്പർമാരായ സൈഫുദ്ദീൻ നാറാത്ത്, മുഹമ്മദ്‌ അലി ആരാപ്പീടിക,കെ റഹ്മത്ത്, നിഷ, മിഹ്റാബി, മൈമൂനത്ത്, സൽ‍മത്ത് കെ. വി എന്നിവരാണ് പരാതി നൽകിയത്.
ഏകപക്ഷിയമായ നിലപാടുമായാണ് പോകുവാനുള്ള തീരുമാനമെങ്കിൽ ശ്കതമായ സമരവുമായി മുന്നോട്ടു പോകുമെന്ന് മെമ്പർമാർ അറിയിച്ചു. നാറാത്ത് ഗ്രാമ പഞ്ചായത്തിൽ LDF ന് 9ഉം UDF ന്8ഉം ആണ് മെമ്പർ മാർ ഉള്ളത്.
