കണ്ണാടിപ്പറമ്പ് :- കണ്ണാടിപ്പറമ്പ്എ ൽ.പി.സ്കൂളിൽ ഓണാഘോഷം വിപുലമായ പരിപാടികളോടെ ''പൊന്നോണം 2022 " ആഘോഷിച്ചു . രാവിലെ പ്രധാന അധ്യാപിക പി. ശോഭ കുട്ടികൾക്ക് ഓണാശംസകൾ നേർന്നു തുടർന്ന് കുട്ടികൾ തന്നെ കൊണ്ടു വന്ന നാടൻ പൂക്കളുപയോഗിച്ച് കുട്ടികളും രക്ഷിതാക്കളും അധ്യാപികമാരും ചേർന്ന് മനോഹരമായ പൂക്കളമുണ്ടാക്കി. തുടർന്ന് നടന്ന സമൂഹ ഓണ സദ്യയിൽ കുട്ടികളും നിരവധി രക്ഷിതാക്കളും പൂർവ്വ വിദ്യാർത്ഥികളും പങ്കാളികളായി.
സാമ്പാർ അവിൽ ,കൂട്ടുകറി, ഓലൻ , വറവ്,പപ്പടം,പച്ചടി, അട പായസം, പഴം ഉപ്പേരി ,അച്ചാർ തുടങ്ങി ഓണസദ്യ വിഭവങ്ങളിൽ ഭൂരിഭാഗവും രക്ഷിതാക്കൾ ഉണ്ടാക്കി കൊണ്ടുവന്നതായിരുന്നു. അതു കൊണ്ടുതന്നെ അട പായസമുൾപ്പെടെയുള്ള ഓണ സദ്യ ഗംഭീരമായി .
ഓണപ്പാട്ടുകൾക്കും ,വള്ളം കളിപ്പാട്ടുകൾക്കും ഒപ്പനപ്പാട്ടുകൾക്കും കുട്ടികൾ നൃത്തം ചവിട്ടി. തുടർന്ന് നടന്ന രക്ഷിതാക്കളുടെ കലാ കായിക പരിപാടിയിൽ ഭൂരി ഭാഗം രക്ഷിതാക്കളും പങ്കാളികളായി.
പ്രായം മറന്നുള്ള ശാന്തേച്ചിയുടെയും നിർമ്മലേച്ചിയുടെയും പ്രകടനം പുതു തലമുറയിലെ രക്ഷിതാക്കൾക്ക് ആവേശം പകർന്നു.
പരിപാടികൾക്ക് പ്രധാന അധ്യാപിക പി.ശോഭ, വാർഡ് മെമ്പർ കാണിചന്ദ്രൻ , നരിക്കടൻ അജിത, പി.ടി എ പ്രസിഡന്റ് കൊടുവള്ളി ബിജു ,പി ടി.എ. വൈ.പ്രസിഡന്റ് പി.മുഹമ്മദ് കുഞ്ഞി, മദർ പി.ടി.എ പ്രസിഡന്റ് മഞ്ജു സുധീഷ് സ്കൂൾ സംരക്ഷണ സമിതി ചെയർമാൻ ഏറൻ ബാബു ,സ്കൂൾ അധ്യാപികമരായ രമ്യാ രാജൻ, കെ.വി നിഷ, നസീമ ബീന, ഹസീന, , പി.ടി.എ എക്സിക്യൂട്ടിവ് അംഗങ്ങൾ എന്നിവർ നേതൃത്വം നൽകി.
