കമ്പിൽ :- കമ്പിൽ മാപ്പിള എ. എൽ. പി സ്കൂൾ വാർഷികാഘോഷം നാളെ ശനിയാഴ്ച വൈകുന്നേരം 4 മണി മുതൽ നടക്കും. വാർഡ് മെമ്പർ എൽ.നിസാറിന്റെ അധ്യക്ഷതയിൽ കൊളച്ചേരി പഞ്ചായത്ത് പ്രസിഡണ്ട് കെ. പി അബ്ദുൽ മജീദ് ഉദ്ഘാടനം ചെയ്യും. തളിപ്പറമ്പ് സൗത്ത് AEO സുധാകരൻ ചന്ദ്രത്തിൽ ഉപഹാര സമർപ്പണം നടത്തും.
അൽമാഹിർ അറബിക് സ്കോളർഷിപ്പ് ജേതാക്കൾക്കുള്ള എന്റോവ്മെന്റ് വിതരണം, RAINBOW കളറിംഗ് മത്സര വിജയികൾക്കുള്ള സമ്മാനവിതരണം, വിവിധ പ്രവർത്തനങ്ങളിൽ മികച്ച പ്രകടനം കാഴ്ചവച്ച കുട്ടികൾക്കുള്ള എൻഡോമെന്റ് വിതരണം ( ടി. ടി ബീന ടീച്ചറുടെ സ്മരണയ്ക്ക്) എന്നിവ നടക്കും. തുടർന്ന് കുട്ടികളുടെ വിവിധ കലാ പരിപാടികളും അരങ്ങേറും.
