കൊളച്ചേരി:- വിദ്വേഷത്തിനെതിരെ, ദുർഭരണത്തിനെതിരെ യുവത- ധാർമികത- രാഷ്ട്രീയം എന്ന പ്രമേയത്തിൽ ശാഖാ ശാക്തീകരണം ലക്ഷ്യമിട്ട് തളിപ്പറമ്പ് മണ്ഡലം മുസ്ലിം യൂത്ത് ലീഗ്* കമ്മിറ്റിയുടെ ആഭിമുഖ്യത്തിൽ 2023 മെയ്‌ 7 മുതൽ ജൂലായ് 31വരെ നടക്കുന്ന യൂണിറ്റ് അസംബ്ലി ശ്രദ്ധേയമാവുന്നു.
ഇന്നലെ കൊളച്ചേരി പഞ്ചായത്തിലെ പള്ളിപ്പറമ്പ് ശാഖയിൽ നടന്ന സംഗമം മുസ്ലിം ലീഗ് ശാഖാ സെക്രട്ടറി പി.പി അബ്ദുവിന്റെ അധ്യക്ഷതയിൽ മുസ്ലിം ലീഗ് ജില്ലാ പ്രവർത്തക സമിതി അംഗം ഹംസ മൗലവി പള്ളിപ്പറമ്പ് ഉദ്ഘാടനം ചെയ്തു. തളിപ്പറമ്പ് മണ്ഡലം യൂത്ത് ലീഗ് സെക്രട്ടറി പി.കെ ശംസുദ്ധീൻ പ്രമേയ പ്രഭാഷണം നടത്തി. തളിപ്പറമ്പ് മണ്ഡലം ജനറൽ സെക്രട്ടറി എൻ.യു. ശഫീഖ് മാസ്റ്റർ യൂണിറ്റ് വിശകലനം ചെയ്തു.
മുസ്ലിം യൂത്ത് ലീഗ് പഞ്ചായത്ത് പ്രസിഡണ്ട് മൻസൂർ പാമ്പുരുത്തി പ്രതിജ്ഞ ചൊല്ലിക്കൊടുത്തു.മുസ്ലിം ലീഗ് പഞ്ചായത്ത് വൈസ് പ്രസിഡണ്ട് പി. യൂസുഫ്, സെക്രട്ടറി അന്തായി നൂഞ്ഞേരി, പഞ്ചായത്ത് യൂത്ത് ലീഗ് ജനറൽ സെക്രട്ടറി ജാബിർ പാട്ടയം, വൈറ്റ് ഗാർഡ് പഞ്ചായത്ത് ക്യാപ്റ്റൻ കെ.സി. മുഹമ്മദ് കുഞ്ഞി, ജലീൽ ഇ. കെ , അബ്ദുറഹ്മാൻ എംകെ, പി.പി ഹനീഫ സന്നിഹിതരായിരുന്നു. ചടങ്ങിൽ ശാഖ യൂത്ത് ലീഗ് പ്രസിഡണ്ട് സി.കെ അബ്ദുൽ ലത്തീഫ് സ്വാഗതം പറഞ്ഞു
