കൊളച്ചേരി :- കൊളച്ചേരിമുക്കിൽ ജലവിതരണ പൈപ്പിന് എടുത്ത റോഡിലെ കുഴി മൂടിയില്ല. മഴ പെയ്തതോടെ വാഹന യാത്ര കൂടുതൽ ദുരിതത്തിലായിരിക്കുകയാണ്. കൂടുതലും ചെറിയ വാഹങ്ങൾക്കാൻ അപകടം സാധ്യതയുള്ളത്. കൊളച്ചേരി മുക്ക് ജംഗ്ഷനിൽ ഓട്ടോ സ്റ്റാന്റിന് സമീപം റോഡ് കൂടുതൽ അപകടവസ്ഥയിലാണുള്ളത്. അപകടങ്ങൾ തീവ്രമാകുന്നതിന് മുന്നേ അധികാരികൾ ആവശ്യമായ നടപടികൾ സ്വീകരിച്ച് റോഡ് ഗതാഗതം അപകടരഹിതമാക്കണമെന്നാണ് യാത്രക്കാരും നാട്ടുകാരും ആവശ്യപ്പെടുന്നത്.
കൊളച്ചേരിമുക്ക് നെല്ലിക്കപ്പാലം റോഡിൽ ട്രാൻസ്ഫോർമറിന് സമീപവും കൊളച്ചേരിമുക്ക് ഓട്ടോസ്റ്റാന്റിന് സമീപവും ജലവിതരണ പൈപ്പിന് എടുത്ത റോഡിലെ കുഴി പൂർണമായും മൂടിയില്ല. യാത്രക്കാർ ഇത് വഴി കടന്നു പോകുന്നത് പ്രയാസത്തിലാണ്. ഇവിടെ അപകട സാധ്യതയും ഏറെയാണ്. മാസങ്ങൾക്കു മുന്നേ ജലവിതരണ പൈപ്പ് ഇടാൻ എടുത്ത കുഴിയാണ് മൂടാത്തത്. ഈ സ്ഥലങ്ങൾക്ക് പുറമെ മറ്റു പലയിടങ്ങളിലും റോഡിന്റെ അവസ്ഥ സമാനമാണ്. ഇതുവഴി കടന്നു പോകുന്ന ഓട്ടോറിക്ഷ, ബൈക്ക് യാത്രക്കാരാണ് കുടുതലും ബുദ്ധിമുട്ടിലാകുന്നത്.
ഇത്തരം കുഴികൾ കോൺക്രീറ്റ് ചെയ്തോ ടാറിങ് നടത്തിയോ പൂർവ്വസ്ഥിതിയിൽ ആക്കണമെന്ന് നാട്ടുകാരും യാത്രക്കാരും ആവശ്യപ്പെട്ടു.
