മയ്യിൽ :- കയരളം എ.യു.പി സ്കൂളിൽ അധ്യാപക രക്ഷാകർതൃ സമിതിയുടെ നേതൃത്വത്തിൽ ക്യഷ് അവാർഡ് സ്വീകരണവും വിതരണവും നടന്നു. എൽഎസ്എസ് യുഎസ്എസ് വിജയികൾക്കുള്ള അനുമോദനം മയ്യിൽ ഗ്രാമപഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ മാണിക്കോത്ത് രവി മാസ്റ്റർ നിർവഹിച്ചു. പിടിഎ പ്രസിഡണ്ട് എം.നിതീഷിന്റെ അധ്യക്ഷതയിൽ കണ്ണൂർ ജില്ലാ പഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ അഡ്വക്കേറ്റ് കെ.കെ രത്നകുമാരി ഉദ്ഘാടനം ചെയ്തു.
കെ ഒ പാർവതി അമ്മയുടെയും കെ.കെ കുഞ്ഞിരാമൻ നമ്പ്യാരുടെയും സ്മരണയ്ക്ക് മക്കൾ നൽകുന്ന കേഷ് അവാർഡ് സ്വീകരണവും നടന്നു. എസ്എസ്എൽസി പരീക്ഷയിൽ എല്ലാ വിഷയങ്ങളിലും എ പ്ലസ് ലഭിച്ച വിദ്യാർത്ഥികൾക്ക് തളിപ്പറമ്പ് സൗത്ത് ബിപിസി ഗോവിന്ദൻ എടാടത്തിൽ അനുമോദനം നൽകി. സ്കൂൾ വികസന സമിതി ചെയർമാൻ കെ പി കുഞ്ഞി കൃഷ്ണൻ മാസിക പ്രകാശനം ചെയ്തു. രമ്യ പ്രസാദ് (മദർ പി.ടി.എ പ്രസിഡണ്ട് ), പി.കെ വേലായുധൻ മാസ്റ്റർ (മുൻ എച്ച് എം ), രേഷ്മ സി കെ (സിആർ സി കോഡിനേറ്റർ) എന്നിവർ ആശംസ അർപ്പിച്ച് സംസാരിച്ചു.
ഹെഡ്‌മിസ്ട്രസ് ഇ. കെ രതി സ്വാഗതവും ശ്രീലേഖ ടീച്ചർ നന്ദിയും പറഞ്ഞു . പൂർവ്വ വിദ്യാർത്ഥികളുടെ ഗാനോപഹാരം എന്ന പരിപാടിയും നടന്നു.
