മയ്യിൽ :- പൊതുവിദ്യാഭ്യാസ വകുപ്പും കേരള ശാസ്ത്ര സാഹിത്യ പരിഷത്തും സംയുക്തമായി കേരളത്തിലെ എല്ലാ പൊതുവിദ്യാലയങ്ങളിലും സംഘടിപ്പിക്കുന്ന യുറീക്ക-ശാസ്ത്രകേരളം വിജ്ഞാനോത്സവത്തിന്റെ സ്കൂൾ തല മത്സരം കയരളം നോർത്ത് എ.എൽ.പി സ്കൂളിൽ നടന്നു.പ്രധാനധ്യാപിക എം ഗീത ഉദ്ഘാടനം ചെയ്തു. എ ഒ ജീജ, കെ വൈശാഖ്, എം പി നവ്യ എന്നിവർ നേതൃത്വം നൽകി.
എൽപി, യുപി വിഭാഗങ്ങളിലായി നാല്പതോളം കുട്ടികൾ വിജ്ഞാനോത്സവത്തിൽ പങ്കാളികളായി. പരീക്ഷണം, നിരീക്ഷണം, അറിവ് നിർമ്മാണം എന്നിവ വിജ്ഞാനോത്സവത്തിന്റെ മുഖ്യ ആകർഷണമായി. സയൻസിനെ അറിയാൻ സയൻസിനോടൊപ്പം എന്നതാണ് ഈ വർഷത്തെ വിജ്ഞാനോത്സവ സന്ദേശം.
