കണ്ണാടിപ്പറമ്പ് :- വള്ളുവൻകടവ് മുത്തപ്പൻ മടപ്പുരയുടെ ആഭിമുഖ്യത്തിൽ രണ്ടാമത് ഉത്തരകേരള വള്ളംകളി ജലോത്സവം ഇന്ന് ഒക്ടോബർ 22 ഞായറാഴ്ച രാവിലെ 9 മണി മുതൽ നടക്കും. ഉച്ചയ്ക്ക് 2 മണിക്ക് കെ.വി സുമേഷ് എം.എൽ.എയുടെ അധ്യക്ഷതയിൽ മന്ത്രി വി.അബ്ദുറഹിമാൻ ഉദ്ഘാടനം നിർവ്വഹിക്കും. സിനിമ-സീരിയൽ താരം അനു ജോസഫ് മുഖ്യാതിഥിയാകും.
കാസർഗോഡ് , നീലേശ്വരം എന്നിവിടങ്ങളിലെ 12 ടീമുകളും ആറ് വനിതാ ടീമുകളും മത്സരത്തിൽ പങ്കെടുക്കും. വള്ളംകളിയുടെ ഭാഗമായി കൈകൊട്ടിക്കളി, മാർഗംകളി, ദഫ്മുട്ട്, തിരുവാതിരക്കളി, ഒപ്പന, നൃത്തനൃത്ത്യങ്ങൾ, നാടൻപാട്ടുകൾ, ജലഘോഷയാത്ര തുടങ്ങിയ പരിപാടികൾ അരങ്ങേറും.
