കണ്ണൂർ :- സംസ്ഥാനത്തെ കോടതി ഫീസുകൾ കുത്തനെ ഉയർത്താനുള്ള കേരള സർക്കാരിന്റെ തീരുമാനം അടിയന്തിരമായി പിൻവലിക്കണം എന്ന് ലോയേഴ്‌സ് കോൺഗ്രസ് കണ്ണൂർ ജില്ലാ കമ്മിറ്റി സർക്കാരിനോട് ആവശ്യപ്പെട്ടു. പൊതു ജനങ്ങളെ നീതിന്യായ സംവിധാനത്തിൽ നിന്നു അകറ്റുന്നതിനും, പകരം പാർട്ടി കോടതികളെയും ഗുണ്ടാ സംഘങ്ങളെയും ആശ്രയിക്കേണ്ട സാഹചര്യവുമാണ് പിണറായി സർക്കാർ ഇത്തരം ഒരു തീരുമാനത്തിലൂടെ ചെയ്യുന്നതെന്ന് യോഗം അംഗീകരിച്ച പ്രമേയം ചൂണ്ടിക്കാട്ടി. സർക്കാർ തീരുമാനം പിൻവലിച്ചില്ലെങ്കിൽ പൊതു ജന പങ്കാളിത്തതോടെ ശക്തമായ പ്രൊക്ഷോഭം സംഘടിപ്പിക്കാൻ യോഗം തീരുമാനിച്ചു.
യോഗത്തിൽ ലോയേഴ്‌സ് കോൺഗ്രസ് കണ്ണൂർ ജില്ലാ പ്രസിഡന്റ് അഡ്വ.കെ വി മനോജ് കുമാർ അധ്യക്ഷത വഹിച്ചു. കേരള ബാർ കൌൺസിൽ മെമ്പർ അഡ്വക്കറ്റ് സി കെ രത്നാകരൻ, അഡ്വ.തങ്കച്ചൻ മാത്യു, അഡ്വ. ഡി. കെ.കുഞ്ഞിക്കണ്ണൻ, അഡ്വ.സോനാ ജയരാമൻ അഡ്വ.ജീ.വി.പങ്കജാക്ഷൻ, അഡ്വ.ടി.എ.ജസ്റ്റിൻ, അഡ്വ.സക്കറിയ കായകൂൽ, അഡ്വ.ഷാജു കെ, അഡ്വ. പ്രകാശൻ.എൻ, അഡ്വ.ആശ വിശ്വൻ എന്നിവർ സംസാരിച്ചു.
