കുറ്റ്യാട്ടൂർ :- കഴിഞ്ഞ 24 വർഷമായി കുറ്റ്യാട്ടൂർ-പഴശ്ശി പ്രദേശത്തെ കലാ-കായിക, സാംസ്കാരിക, ആരോഗ്യ, ജീവകാരുണ്യ രംഗത്ത് സജീവ സാന്നിധ്യമായി പ്രവർത്തിച്ചു വരുന്ന പഴശ്ശി ഞാലിവട്ടംവയൽ സോപാനം കലാ - കായിക വേദി വായനശാല & ഗ്രന്ഥാലയത്തിന്റെ സ്വന്തമായി നിർമ്മിച്ച കെട്ടിടത്തിൻ്റെ ഉദ്ഘാടനവും ഇരുപത്തിനാലാം വാർഷികാഘോഷവും ഇന്ന് ഫെബ്രുവരി 3 ശനിയാഴ്ച വൈകുന്നേരം 5 മണിക്ക് നടക്കും.
കഥാകൃത്ത് ടി.പത്മനാഭൻ ഉദ്ഘാടനം നിർവ്വഹിക്കും. കുറ്റ്യാട്ടൂർ ഗ്രാമപഞ്ചായത്ത് പ്രസിഡണ്ട് പി.പി റെജി അധ്യക്ഷത വഹിക്കും. ചടങ്ങിൽ കുറ്റ്യാട്ടൂർ ഗ്രാമപഞ്ചായത്ത് മെമ്പർ യൂസഫ് പാലക്കൽ , നെഹ്റു യുവകേന്ദ്ര യൂത്ത് കോർഡിനേറ്റർ രമ്യ.കെ , ലൈബ്രറി കൗൺസിൽ ജോ:സെക്രട്ടറി എ.പ്രഭാകരൻ മാസ്റ്റർ എന്നിവർ സംസാരിക്കും.
വൈകുന്നേരം 6 മണിക്ക് സമീപത്തെ കലാ കൂട്ടായ്മകൾ അവതരിപ്പിക്കുന്ന നൃത്തനൃത്യങ്ങളും രാത്രി 9 മണിക്ക് ഈ വർഷത്തെ പ്രെഫഷണൽ നാടക മത്സരങ്ങളിൽ നിരവധി അവാർഡുകൾ കരസ്ഥമാക്കിയ തിരുവനന്തപുരം അക്ഷര ക്രിയേഷൻസിൻ്റെ നാടകം 'ഇടം' അരങ്ങേറും.
