കണ്ണാടിപ്പറമ്പ് :- കണ്ണാടിപ്പറമ്പ് ഗവണ്മെന്റ് ഹയർ സെക്കൻ്ററി സ്കൂൾ സ്റ്റുഡൻ്റ് പോലീസ് കേഡറ്റ് 2022 -2024 ബാച്ചിൻ്റെ പാസിംഗ് ഔട്ട് പരേഡ് നടത്തി. അഴിക്കോട് നിയോജക മണ്ഡലം എം.എൽ.എ കെ.വി സുമേഷ് അഭിവാദ്യം സ്വീകരിച്ചു. സീനിയർ കേഡറ്റ് ആദിനാഥ് സി പരേഡ് കമാൻഡറായും സീനിയർ കേഡറ്റ് രാഗപ്രിയ പി.വി സെക്കൻ്റ് ഇൻ കമാൻഡറായും പരേഡിനെ മുന്നിൽ നിന്ന് നയിച്ചു. ആൻവി അശോകൻ.ടി, ഹർഷൽ രതീഷ് തുടങ്ങിയവർ പ്ലറ്റൂൺ ലീഡർമാരായി. മികച്ച ഇൻഡോർ കേഡറ്റായി ദിയ ദിനേഷിനെയും മികച്ച ഔട്ട്ഡോർ കേഡറ്റായി അഷിൻ ലക്ഷ്മണിനെയും തെരഞ്ഞെടുത്തു. വ്യത്യസ്ത മേഖലകളിൽ കഴിവു തെളിയിച്ച കേഡറ്റുകൾക്കുള്ള ഉപഹാരങ്ങൾ നൽകി.
ചടങ്ങിൽ നാറാത്ത് ഗ്രാമപഞ്ചായത്ത് പ്രസിഡൻ്റ് കെ.രമേശൻ, ജില്ലാ പഞ്ചയത്ത് അംഗം കെ.താഹിറ, എസ് പി സി കണ്ണൂർ സിറ്റി എഡിഎൻഒ കെ.രാജേഷ്, പ്രിൻസിപ്പൽ ഹാഷിം എം.സി , പ്രധാനാധ്യാപകൻ ടി.ഒ മുരളീധരൻ, പിടിഎ പ്രസിഡൻ്റ് അബ്ദു റഹ്‌മാൻ സി.എൻ എന്നിവർ പങ്കെടുത്തു.
എസ് പി സി കണ്ണൂർ സിറ്റി പ്രൊജക്ട് അസി. സി.എം ജയദേവൻ,മുൻ എഡിഎൻഒ സി.ചന്ദ്രൻ, കമ്മ്യൂണിറ്റി പോലീസ് ഓഫീസർമാരായ മീനാകുമാരി കാനാ ഇടത്തിൽ, അമൃത.എ, മയ്യിൽ പോലീസ് സ്റ്റേഷനിലെ സിവിൽ പോലീസ് ഓഫീസർമാരായ ശ്രീജിത് .കെ , സൗമ്യ കൃഷ്ണൻ എന്നിവർ നേതൃത്വം നൽകി.
