തിരുവനന്തപുരം :- കനത്ത ചൂടിൽ സംസ്ഥാനം പൊള്ളുന്നു. ഇന്നലെ കേന്ദ്രകാലാവസ്‌ഥാ വകുപ്പിൻ്റെ ഔദ്യോഗിക കണക്ക് പ്രകാരം തൃശൂർ വെള്ളാനിക്കരയിൽ 39.9 ഡിഗ്രി സെൽഷ്യസ് താപനില രേഖപ്പെടുത്തി. ഈ വർഷം സംസ്‌ഥാനത്ത് രേഖപ്പെടുത്തിയ ഏറ്റവും ഉയർന്ന ചൂടാണിത്. പാലക്കാട് രേഖപ്പെടുത്തിയ 39.7 ഡിഗ്രി സെൽഷ്യസിന്റെ റെക്കോർഡാണ് തകർത്തത്. പുനലൂർ (39), പാലക്കാട് (39), കണ്ണൂർ എയർപോർട്ട് (37.2), കോഴിക്കോട് സിറ്റി (37) എന്നിവിടങ്ങളിലും ഇന്നലെ ഉയർന്ന താപനില രേഖപ്പെടുത്തി.
ഇന്നു മുതൽ മാർച്ച്‌ 29 വരെ 11 ജില്ലകളിൽ യെലോ അലർട്ട് പ്രഖ്യാപിച്ചു. കൊല്ലം, തൃശൂർ, പാലക്കാട്, പത്തനംതിട്ട, ആലപ്പുഴ, കോട്ടയം, എറണാകുളം, കണ്ണൂർ, കോഴിക്കോട്, മലപ്പുറം, കാസർഗോഡ് ജില്ലകളിലാണ് മുന്നറിയിപ്പ്.
