കൊളച്ചേരി :- കണ്ണൂർ ലോകസഭാ മണ്ഡലം യു ഡി എഫ് സ്ഥാനാർത്ഥി കെ സുധാകരന്റെ തെരഞ്ഞെടുപ്പ് പ്രചരണാർത്ഥം യു. ഡി. എഫ് കൊളച്ചേരി പഞ്ചായത്ത് കമ്മിറ്റി ഇന്ന്
ശനിയാഴ്ച്ച 3 മണിക്ക് കമ്പിൽ സംഘടിപ്പിക്കുന്ന പൊതുയോഗത്തിൽ മുസ്‌ലിം ലീഗ് അഖിലേന്ത്യാ ജനറൽ സെക്രട്ടറിയും, പ്രതിപക്ഷ ഉപനേതാവുമായ പി.കെ കുഞ്ഞാലിക്കുട്ടി പങ്കെടുക്കും . കെ.പി.സി.സി രാഷ്ട്രീയകാര്യ സമിതി അംഗം അഡ്വ: എം. ലിജു, മുസ്‌ലിം ലീഗ് ജില്ലാ പ്രസിഡണ്ട് അഡ്വ: അബ്ദുൽ കരീം ചേലേരി, ജില്ലാ സെക്രട്ടറി അൻസാരി തില്ലങ്കേരി തുടങ്ങി പ്രമുഖ യു.ഡി.എഫ് നേതാക്കൾ സംബന്ധിക്കും
പി.കെ കുഞ്ഞാലിക്കുട്ടിയെ നിരവധി വാഹനങ്ങളുടെ അകമ്പടിയോടെ കാട്ടാമ്പള്ളി പാലത്തിൽ നിന്നും യു.ഡി.എഫ് പ്രവർത്തകർ സ്വീകരിച്ചാനയിക്കുമെന്ന് യു.ഡി.എഫ് കൊളച്ചേരി പഞ്ചായത്ത് തെരഞ്ഞെടുപ്പ് സമിതി അറിയിച്ചു
