കമ്പിൽ :- അൽബിർറ് പേരെന്റ്റിംഗിന്റെ ദേശീയ തലത്തിലുള്ള ഉദ്ഘാടനം കമ്പിൽ ഖുവതുൽ ഇസ്ലാം അൽബിറിൽ വെച്ച് നടന്നു. ജാബിർ ഹുദവി ചാനടുക്കം വിഷയാവതരണം നടത്തി. അൽബിർറ് സ്കൂൾസ് അഡ്മിനിസ്ട്രേറ്റീവ് ഡയറക്ടർ കെ.പി മുഹമ്മദ്‌ സംസാരിച്ചു. ആധുനിക വിദ്യാഭ്യാസ രംഗത്തുണ്ടായ നൂതന കാഴ്ചപ്പാടുകളുടെ രീതിശാസ്ത്രമാണ് അൽബിർറ് സ്കൂൾ സമ്പ്രദായം എന്ന് അൽബിർറ് സ്കൂൾസ് അഡ്മിനിസ്ട്രേറ്റീവ് ഡയറക്ടർ കെ.പി മുഹമ്മദ്‌ അഭിപ്രായപ്പെട്ടു. കേരളത്തിലും കർണാടകയിലും ഗൾഫ് രാജ്യങ്ങളിലുമായി വ്യാപിച്ച് കിടക്കുന്ന അൽബിർറ് സ്കൂളുകളുടെ ക്രമാനുഗതമായ വളർച്ച ഇതിന്റെ ദിശാസൂചകമാണെന്ന് അദ്ദേഹം കൂട്ടിചേർത്തു.
റബീഹ് ഖാലിദ് ഫൈസി അധ്യക്ഷത വഹിച്ചു. കൊളച്ചേരി സ്റ്റാന്റിംഗ് കമ്മിറ്റി ചെയർമാൻ നിസാർ.എൻ , നൂർ അഹമ്മദ് ഫൈസി, ജില്ലാ കോർഡിനേറ്റർ ഹംസ മയ്യിൽ, അഷ്‌റഫ്‌ ദാരിമി, നസറുൽ ഇസ്ലാം എന്നിവർ പ്രസംഗിച്ചു. മുഹമ്മദ്‌ കുഞ്ഞി സി.കെ സ്വാഗതവും നജീബ് മാസ്റ്റർ നന്ദിയും പറഞ്ഞു.
