കുറ്റ്യാട്ടൂർ :- ഇന്ത്യൻ നാഷണൽ കോൺഗ്രസ് കുറ്റ്യാട്ടൂർ മണ്ഡലം കമ്മിറ്റിയുടെ ആഭിമുഖ്യത്തിൽ SSLC, പ്ലസ് ടു പരീക്ഷയിൽ മുഴുവൻ വിഷയങ്ങളിലും എ പ്ലസ് നേടിയ കുറ്റ്യാട്ടൂർ പഞ്ചായത്തിലെ 125 വിദ്യാർത്ഥികളെ ക്യാഷ് അവാർഡും, മഹാത്മ ഗാന്ധിയുടെ അത്മകഥ പുസ്തകവും മെമെന്റൊയും നൽകി അനുമോദിച്ചു. കോൺഗ്രസ് മണ്ഡലം പ്രസിഡണ്ട് പി.കെ വിനോദിന്റെ അധ്യക്ഷതയിൽ ഡിസിസി പ്രസിഡണ്ട് അഡ്വ: മാർട്ടിൻ ജോർജ് പരിപാടിയുടെ ഉദ്ഘാടനം നിർവഹിച്ചു. ചടങ്ങിൽ ദേശീയ അധ്യാപക അവാർഡ് ജേതാവ് രാധാകൃഷ്ണൻ മാണിക്കോത്ത് വിദ്യാർത്ഥികളെ അനുമോദിച്ചു.
ബ്ലോക്ക് കോൺഗ്രസ് കമ്മിറ്റി പ്രസിഡണ്ട് കെ.പി ശശിധരൻ, , വി.പത്മനാഭൻ മാസ്റ്റർ, യൂത്ത് കോൺഗ്രസ് നിയോജക മണ്ഡലം പ്രസിഡണ്ട് അമൽ കുറ്റ്യാട്ടൂർ, കെ എസ് പി എ ബ്ലോക്ക് പ്രസിഡണ്ട് എം.ബാലകൃഷ്ണമാസ്റ്റർ, മഹിളാ കോൺഗ്രസ്സ് ബ്ലോക്ക് പ്രസിഡണ്ട് കെ.കെ നിഷ, കെഎസ്‌യു ജില്ലാ സെക്രട്ടറി തീർത്ഥ നാരായണൻ, വാർഡ് മെമ്പർമാരായ എ.കെ ശശിധരൻ, യൂസഫ് പാലക്കൽ, എൻ.പി ഷാജി എന്നിവർ ആശംസയർപ്പിച്ചു സംസാരിച്ചു. പരിപാടിക്ക് മണ്ഡലം വൈസ് പ്രസിഡണ്ട് എൻ.കെ മുസ്തഫ മാസ്റ്റർ സ്വാഗതവും മണ്ഡലം ജനറൽ സെക്രട്ടറി കെ.പി അനീഷ് കുമാർ നന്ദിയും പറഞ്ഞു.
