.webp)
തിരുവനന്തപുരം :- നടൻ സിദ്ദിഖിനെതിരെ ബലാത്സംഗക്കുറ്റം ചുമത്തി പൊലീസ് കേസെടുത്തു. യുവനടി നൽകിയ പരാതിയിൽ മ്യൂസിയം പൊലീസാണ് കേസെടുത്തത്. ബലാത്സംഗം, ഭീഷണി എന്നീ കുറ്റം ചുമത്തി ബിഎൻഎസ് 376, 506 വകുപ്പുകൾ പ്രകാരമാണ് കേസ്.
ഇന്നലെ വൈകുന്നേരമാണ് യുവനടി ഡിജിപിക്ക് ഇ മെയിൽ വഴി പരാതിനൽകിയത്. പരാതി ഉടൻ പ്രത്യേക അന്വേഷണസംഘത്തിന് കൈമാറിയിരുന്നു. മ്യൂസിയം പൊലീസ് സ്റ്റേഷൻ പരിധിയിലാണ് കുറ്റകൃത്യം നടന്നത് എന്നതു കണക്കിലെടുത്ത് മ്യൂസിയം പൊലീസ് കേസെടുത്തത്.
