കണ്ണൂർ :- കോർപറേഷനിൽ എസ്എൻ പാർക്ക് റോഡരികിലെ സ്വകാര്യ ഭൂമിയിൽ മാലിന്യം തള്ളിയതിനു ക്രീം സ്റ്റേഷൻ എന്ന സ്ഥാപനത്തിനും ബാങ്ക് ജീവനക്കാരനും തദ്ദേശ വകുപ്പിന്റെ ജില്ലാ എൻഫോഴ്‌സ്മെന്റ് സ്ക്വാഡ് 5000 രൂപ വീതം പിഴ ചുമത്തി. കണ്ണൂർ താളിക്കാവിനു സമീപം വലിച്ചെറിഞ്ഞ മാലിന്യം പരിശോധിച്ചതിൽ നിന്ന് ഈ സ്‌ഥാപനത്തിൻ്റെയും വ്യക്‌തിയുടെയും വിലാസം സ്ക്വാഡിന് ലഭിക്കുകയായിരുന്നു.
ക്രീം സ്റ്റേഷനിലെ ജൈവ അജൈവ മാലിന്യങ്ങളും മെനു കാർഡും തെളിവായി ലഭിച്ചു. ജൈവ അജൈവ മാലിന്യങ്ങൾ വേർതിരിക്കാതെ കൂട്ടിയിട്ടതിന് താളിക്കാവിലെ ഹോട്ടൽ ശ്രീകൃഷ്ണയ്ക്കും, ലാബിലെ അജൈവ മാലിന്യം അലക്ഷ്യമായി സ്‌ഥാപന പരിസരത്ത് കൂട്ടിയിട്ടതിന് രാജീവ് ഗാന്ധി റോഡിലെ എൻകെയർ സെന്ററിനും - 5000 രൂപ വീതം ജില്ലാ എൻഫോഴ്‌സ്മെന്റ് സ്ക്വാഡ് പിഴ ചുമത്തി.
