തിരുവനന്തപുരം :- സാമൂഹിക മാധ്യമങ്ങളിൽ KSEBക്കെതിരെ വ്യാജപ്രചാരണം നടത്തിയ എബിസി മലയാളം എന്ന യൂട്യൂബ് ചാനലിനെതിരെ നിയമ നടപടിയുമായി KSEB. വ്യാജവാർത്ത പ്രചരിപ്പിച്ച അതേ മാധ്യമങ്ങളിലൂടെ മാപ്പുപറയുകയും യഥാർത്ഥ വസ്തുതകൾ അറിയിക്കുകയും ചെയ്യാത്ത പക്ഷം ഒരു കോടി രൂപ നഷ്ടപരിഹാരം നൽകേണ്ടിവരും എന്ന് കാണിച്ചാണ് നോട്ടീസ് അയച്ചത്.
ചാനൽ നടത്തിപ്പുകാരായ വടയാർ സുനിൽ, ജി.സിനുജി എന്നിവർക്ക് KSEB മുതിർന്ന അഭിഭാഷകനായ അഡ്വ. ബി.ശക്തിധരൻ നായർ വഴി വക്കീൽ നോട്ടീസ് അയച്ചത്. “കെ എസ് ഇ ബി എന്ന കൊള്ളസംഘം നിങ്ങൾ അറിയുന്നുണ്ടോ” എന്ന ശീർഷകത്തിൽ ജൂലൈ 12ന് പ്രസിദ്ധീകരിച്ച വീഡിയോയിലൂടെയാണ് വസ്തുതാവിരുദ്ധമായ പ്രചാരണം നടത്തിയതായി പറയുന്നത്.
