ചേലേരി :- ചേലേരി വാദി രിഫാഈ എഡ്യുക്കേഷണൽ സെന്റർ കമ്മിറ്റി സംഘടിപ്പിക്കുന്ന രിഫാഈ ഗ്രാന്റ് ജൽസയും ദഫ് റാത്തീബും ഈ മാസം 29.30 വെള്ളി ശനി തീയ്യതികളിൽ ചേലേരി രിഫാഈ നഗറിൽ നടക്കും. മിദ്ലാജ് സഖാഫിയുടെ അദ്ധ്യക്ഷതയിൽ രിഫാഈ ജുമാ മസ്ജിദ് മുദർരിസ് അബ്ദുള്ള സഖാഫി മഞ്ചേരി ഉദ്ഘാടനം ചെയ്യും. റൗളത്തുൽ ഇഹ്സാൻ ബുർദ്ദ സംഘം അവതരിപ്പിക്കുന്ന രിഫാഈ നശീദ, രിഫാഈ മാല ആലാപനം ഖവാലി മദ്ഹ് ഗാനം നടക്കും. മുനവ്വിർ സഅദി നുച്ച്യാട് രിഫാഈ അനുസ്മരണ പ്രഭാഷണം നടത്തും.
നവംബർ 30 ന് രാത്രി 7 മണിക്ക് നടക്കുന്ന രിഫാഈ ഗ്രാന്റ് ദഫ്റാത്തീബിന് വളപ്പട്ടണം രിഫാഈ റാത്തീബ് കേന്ദ്ര ഖൽഫ സയ്യിദ് ജഅ്ഫർ സ്വാദിഖ് മുല്ലക്കോയ തങ്ങൾ ഖൽഫ അബ്ദുറഷീദ് ദാരിമി, കെ.വി അനസ് എന്നിവർ നേതൃത്വം നൽകും. അന്നദാനത്തോടു കൂടി പരിപാടി സമാപിക്കും.
