ശബരിമല :- നട തുറന്ന് 4 ദിവസത്തിനുള്ളിൽ 2.26 ലക്ഷം തീർഥാടകർ ദർശനം നടത്തി. ഇന്നലെ വൈകിട്ട് 5 വരെയുള്ള കണക്കാണിത്. ദിവസം 18 മണിക്കൂറാണ് ദർശനം. 3 ദിവസമായി വലിയ തിരക്കില്ല. പുലർച്ചെ 3ന് നട തുറക്കുമ്പോൾ മിനിറ്റിൽ 80 പേരെ വീതം പതിനെട്ടാം പടി കയറ്റാൻ കഴിയുന്നുണ്ട്.
ശബരിമല ദർശനം അതിനാൽ അധികം കാത്തുനിൽക്കാതെ തീർഥാടകർക്കു ദർശനം നടത്താം. വൃശ്ചികം 12നു ശേഷം തിരക്കു വർധിക്കുമെന്നാണു ദേവസ്വം ബോർഡിന്റെ കണക്കുകൂട്ടൽ. തീർഥാടകരുടെ യാത്രയ്ക്കായി കെഎസ്ആർടിസി പമ്പയിൽ 383 ബസുകൾ എത്തിച്ചു. മിനിറ്റിൽ ഒരു ബസ് വീതമാണ് പമ്പ- നിലയ്ക്കൽ റൂട്ടിൽ ചെയിൻ സർവീസ് നടത്തുന്നത്.
