ശബരിമലയിൽ കുട്ടികൾക്കും മാളികപ്പുറങ്ങൾക്കും പ്രത്യേക ഗേറ്റിലൂടെ ദർശനം ; വയോജനങ്ങൾ, ഭിന്നശേഷിക്കാർ എന്നിവർക്കും ദർശനം സുഗമമാകും

ശബരിമല :- കുട്ടികൾ, മാളികപ്പുറങ്ങൾ, വയോജനങ്ങൾ, ഭിന്നശേഷിക്കാർ എന്നിവരുടെ ദർശനം സുഗമമാക്കാൻ പ്രത്യേക ഗേറ്റ്. ശ്രീകോവിലിനു സമീപം ക്രമീകരിച്ച ഗേറ്റിലൂടെ ആദ്യത്തെ വരിയിലെത്തി ഇവർക്കു ദർശനം നടത്താം. കുട്ടികൾക്കൊപ്പം ഒരു രക്ഷിതാവിനെ ഇതുവഴി കടത്തിവിടും.

പമ്പയിൽനിന്നു മലകയറിയ ശേഷം കുട്ടികളുമായി ഏറെ സമയം കാത്തുനിൽക്കുന്നത് ഒഴിവാക്കാനാണു പ്രത്യേക ക്രമീകരണം. നേരത്തേ, വലിയ നടപ്പന്തലിൽ നിന്നു പതിനെട്ടാംപടിക്കു സമീപത്തേക്കെത്താൻ കുട്ടികൾക്കും മുതിർന്നവർക്കുമായി പ്രത്യേക വരി ക്രമീകരിച്ചിരുന്നു. 

ഇന്നലെ വൈകിട്ട് 7 വരെയുള്ള കണക്കനുസരിച്ച് 60,785 പേർ ദർശനം നടത്തി. 10,921 പേർ സ്പോട് ബുക്കിങ് ഉപയോഗിച്ചു.