പറശ്ശിനിക്കടവ് :- കുന്നത്തൂർപാടി ദേവസ്ഥാനത്ത് ഉത്സവം തുടങ്ങിക്കഴിഞ്ഞാൽ പറശ്ശിനിക്കടവ് മുത്തപ്പൻ മടപ്പുരയിൽ ചടങ്ങുകൾക്കോ അടിയന്തിരാദികൾക്കോ സമയമാറ്റമോ മുടക്കമോ ഉണ്ടാവുകയില്ലെന്ന് പറശ്ശിനിക്കടവ് മുത്തപ്പൻ ക്ഷേത്ര അധികൃതർ അറിയിച്ചു. ഭക്തജനങ്ങളുടെ ഇടയിൽ സംശയം ഉണ്ടാക്കുന്ന രീതിയിൽ പ്രചാരണങ്ങൾ നടക്കുന്നതായി ശ്രദ്ധയിൽപെട്ടതിന്റെ അടിസ്ഥാനത്തിലാണ് അറിയിപ്പ് നൽകിയത്. പറശ്ശിനി മടപ്പുരയിൽ എല്ലാ ദിവസവും പുലർച്ചെ 5.30 മണി മുതൽ രാവിലെ 8.30 മണി വരെ തിരുവപ്പന വെളളാട്ടം ഉണ്ടായിരിക്കുന്നതാണ്
