ഇരിട്ടി :- അങ്ങാടിക്കടവിൽ കാർ മറിഞ്ഞു വിദ്യാർത്ഥി മരിച്ചു. അങ്ങാടിക്കടവിലെ ഇമ്മാനുവലാണ് മരിച്ചത്. ഇന്നു പുലർച്ചെയായിരുന്നു സംഭവം. ശക്തമായ മഴയിൽ ഓടിക്കൊണ്ടിരുന്ന കാറിനു മുന്നിൽ റോഡ് സൈഡിൽ നിന്ന മരത്തിൻ്റെ കൊമ്പ് ഒടിഞ്ഞു വീണതു കണ്ട് പരിഭ്രമിച്ച ഇമ്മാനുവൽ പെട്ടെന്നു കാർ തിരിക്കുകയായിരുന്നു.
വെട്ടിച്ച കാർ റോഡ് സൈഡിലെ തെങ്ങിൽ ഇടിച്ച ശേഷം തൊട്ടടുത്ത കുളത്തിലേക്കു മറിയുകയായിരുന്നു. കുളത്തിൽ മറിഞ്ഞ കാറിൽ നിന്നു ഇമ്മാനുവലിനെ നാട്ടുകാർ രക്ഷിച്ച് ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
