കുറ്റ്യാട്ടൂര്‍ :- ആനപീടിക പാറപ്പുറം മുത്തപ്പന്‍ മടപ്പുര തിരുവപ്പന മഹോത്സവത്തിന് തുടക്കമായി. ഉത്സവാഘോഷങ്ങള്‍ക്ക് തുടക്കം കുറിച്ച് കുറ്റ്യാട്ടൂര്‍ കുളങ്ങര പുതിയകാവ് മുച്ചിലോട്ട് ഭഗവതി ക്ഷേത്രത്തില്‍ നിന്നും കലവറനിറയ്ക്കല്‍ ഘോഷയാത്ര നടന്നു. ദീപാരാധനയ്ക്ക് ശേഷം പ്രദേശവാസികളുടെ വിവിധ കലാസാംസ്കരിക പരിപാടികള്‍ നടന്നു.
ഇന്ന് ജനുവരി 24 വെള്ളിയാഴ്ച ഉച്ചയ്ക്ക് 2 മണിക്ക് മുത്തപ്പനെ മലയിറക്കല്‍ ചടങ്ങ് നടക്കും. വൈകുന്നേരം 4 മണിക്ക് മുത്തപ്പന്‍ വെള്ളാട്ടം, രാത്രി 7 മണിക്ക് വാരച്ചാല്‍ മുത്തപ്പന്‍ മഠപ്പുരയില്‍ നിന്നും കാഴ്ചവരവ്,7.30ന് വില്‍കലാമേള, കതിവനൂര്‍വീരന്‍, 12 മണിക്ക് കളിക്കപ്പാട്ട്, കലശം എഴുന്നള്ളത്ത് എന്നിവ നടക്കും. സമാപന ദിവസമായ ജനുവരി 25 ശനിയാഴ്ച പുലര്‍ച്ചെ 5 മണിക്ക് തിരുവപ്പന, വെള്ളാട്ടം കെട്ടിയാടും. വൈകുന്നേരം നടക്കുന്ന കലശംപൊലിക്കല്‍ ചടങ്ങോടെ ഉത്സവത്തിന് സമാപനമാകും.
