തിരുവനന്തപുരം :- വിദ്യാഭ്യാസ അവകാശ നിയമത്തിലെ വ്യവസ്ഥയനുസരിച്ച് ഒന്നാം ക്ലാസ് പ്രവേശനം ആറു വയസ്സാക്കുന്നത് സർക്കാർ പരിശോധിക്കുമെന്ന് മന്ത്രി വി.ശിവൻകുട്ടി പറഞ്ഞു.
നിലവിൽ അഞ്ചു വയസ്സാണ് ഒന്നാം ക്ലാസ് പ്രവേശനത്തിനായി നിശ്ചയിച്ചിട്ടുള്ളത്. ഈ അധ്യയനവർഷത്തെ കണക്കുകൾ പരിശോധിച്ചപ്പോൾ 52 ശതമാനം കുട്ടികൾക്ക് ആറു വയസ്സ് പൂർത്തിയായെന്നു കണ്ടെത്തി. ഈ സാഹചര്യത്തിലാണ് പ്രായത്തിൻ്റെ കാര്യത്തിൽ പുനഃപരിശോധന ആലോചിക്കുന്നതെന്നും മന്ത്രി വ്യക്തമാക്കി.
