മട്ടന്നൂർ :- കണ്ണൂർ രാജ്യാന്തര വിമാനത്താവളത്തിൽ നിന്ന് ഹൈദരാബാദ് സെക്ടറിലേക്ക് ഇൻഡിഗോ എയർലൈൻസ് അധിക സർവീസ് നടത്തും. 14 വരെയാണ് ഇൻഡിഗോ കണ്ണൂരിനും ഹൈദരാബാദിനും ഇടയിൽ അധിക സർവീസ് നടത്തുക. പ്രതിദിന സർവീസിന് പുറമേ ദിവസം ഓരോ സർവീസ് കൂടിയുണ്ടാകും.
രാവിലെ 6.35ന് ഹൈദരാബാദിൽ നിന്ന് പുറപ്പെട്ട് 8.45ന് കണ്ണൂരിൽ എത്തി തിരിച്ച് രാവിലെ 9.25ന് കണ്ണൂരിൽ നിന്ന് പുറപ്പെട്ട് 11.30ന് ഹൈദരാബാദിൽ എത്തുന്ന തരത്തിലാണ് ഇൻഡിഗോയുടെ പ്രതിദിന സർവീസിന്റെ സമയക്രമം. അധിക സർവീസ് വൈകിട്ട് 4.45ന് ഹൈദരാബാദിൽ നിന്ന് പുറപ്പെട്ട് 6.45ന് കണ്ണൂരിൽ എത്തി തിരിച്ച് 7.50ന് കണ്ണൂരിൽ നിന്ന് പുറപ്പെട്ട് 9ന് ഹൈദരാബാദിൽ എത്തുന്ന തരത്തിലാണ് സമയക്രമം.
