മട്ടന്നൂർ :- കണ്ണൂർ വിമാനത്താവളത്തിൽ ജനുവരിയിൽ യാത്രക്കാരുടെ എണ്ണത്തിൽ കഴിഞ്ഞ വർഷത്തേക്കാൾ 18 ശതമാനം വർധന. കഴിഞ്ഞ ജനുവരിയെ അപേക്ഷിച്ച് 18 ശതമാനവും ഡിസംബറിൽ ഉള്ളതിനേക്കാൾ എട്ട് ശതമാനവും യാത്രക്കാർ വർധിച്ചു. ആകെ 1.3 ലക്ഷം യാത്രക്കാരാണ് ജനുവരിയിൽ കണ്ണൂർ വഴി യാത്രചെയ്തത്.
ആഭ്യന്തര സർവീസുകളുടെ എണ്ണത്തിൽ 16 ശതമാനത്തിന്റെയും അന്താരാഷ്ട്ര സർവീസുകളിൽ 22 ശതമാനത്തിൻ്റെയും വർധനയുണ്ടായി. കണ്ണൂരിൽ നിന്ന് അബുദാബിയിലേക്കാണ് നിലവിൽ കൂടുതൽ യാത്രക്കാരുള്ളത്. ഏകദേശം 24000 യാത്രക്കാരാണ് പ്രതിമാസം അബുദാബി സെക്ടറിലുള്ളത്. ദോഹ, ഷാർജ, ദുബായ്, ഡൽഹി എന്നിവിടങ്ങളിലേക്കാണ് യാത്രക്കാർ കൂടുതലുള്ളത്.
