ചാലോട് :- സ്കൂട്ടറും പിക്കപ്പ് വാനും കൂട്ടിയിടിച്ച് കോളേജ് വിദ്യാർത്ഥി മരിച്ചു. വേങ്ങാട് കുരിയോട് ജാസ്മിൻ ഹൗസിൽ ടി.കെ അബ്ദുൽ റസാഖിന്റെയും സലീനയുടെയും മകൻ കെ.ടി റസൽ (19) ആണ് മരിച്ചത്. മുട്ടന്നൂർ കോൺകോഡ് കോളേജിലെ ഒന്നാം വർഷം ഡിഗ്രി വിദ്യാർഥിയാണ്.
വ്യാഴാഴ്ച രാവിലെ 9 മണിയോടെ പനയത്താം പറമ്പിനടുത്ത് മത്തിപ്പാറയിൽ വെച്ചായിരുന്നു അപകടം നടന്നത്. കോളേജിലേക്ക് പോകുന്നതിനിടെ റസൽ സഞ്ചരിച്ച സ്കൂട്ടറും പിക്കപ്പ് വാനും കൂട്ടിയിടിക്കുകയായിരുന്നു. കണ്ണൂർ കിംസ് ആശുപത്രിയിൽ ചികിത്സയിലിരിക്കെയാണ് ഇന്നലെ രാത്രിയോടെ മരണപ്പെട്ടത്.
സഹോദരൻ : റയാൻ (വട്ടിപ്രം യു.പി സ്കൂൾ വിദ്യാർത്ഥി).
കബറടക്കം ഇന്ന് ഉച്ചയ്ക്ക് ശേഷം മട്ടന്നൂർ പാലോട്ട് പള്ളി കബർസ്ഥാനിൽ നടക്കും.
