കൊളച്ചേരി :- വിവിധ ആവശ്യങ്ങൾ ഉന്നയിച്ച് കൊളച്ചേരി മണ്ഡലം കർഷക കോൺഗ്രസിന്റെ നേതൃത്വത്തിൽ കൊളച്ചേരി കൃഷിഭവന് മുന്നിൽ കർഷകമാർച്ചും ധർണയും സംഘടിപ്പിച്ചു. ജില്ലാ കോൺഗ്രസ് കമ്മിറ്റി നിർവാഹക സമിതി അംഗം കെ.എം ശിവദാസൻ ധർണാസമരം ഉദ്ഘാടനം ചെയ്തു. കേരളത്തിലെ കർഷകരുടെ പ്രശ്നപരിഹാരത്തിനും അനുബന്ധ പ്രവർത്തനങ്ങൾക്കും വേണ്ടി ലോക ബേങ്ക് നൽകിയ 2675 കോടി വകമാറ്റി ചെലവഴിച്ചതിനെതിരെയും കേരളത്തിലെ കേര കർഷകരെ സഹായിക്കുന്നതിന് വേണ്ടി ലോകബാങ്ക് നൽകിയ 139 കോടി രൂപയും വക മാറ്റി ചെലവഴിച്ച് കേരളത്തിലെ കാർഷിക മേഖലയെ മുച്ചൂടും നശിപ്പിച്ചുമുന്നോട്ടുപോകുന്ന പിണറായി വിജയൻ ഗവണ്മെന്റ് കേരളത്തിലെ കർഷകരുടെ കണ്ണുനീരിന് മുമ്പിൽ അടിയറവ് പറയേണ്ടി വരുമെന്ന് അദ്ദേഹം ഉദ്ഘാടന പ്രസംഗത്തിൽ പറഞ്ഞു.
കർഷക കോൺഗ്രസ് മണ്ഡലം പ്രസിഡണ്ട് കെ.നാരായണൻ അധ്യക്ഷത വഹിച്ചു. INC ചേലേരി മണ്ഡലം പ്രസിഡണ്ട് കെ.മുരളി മാസ്റ്റർ, INC കൊളച്ചേരി മണ്ഡലം പ്രസിഡണ്ട് ടി.പി സുമേഷ്, പി.കെ പ്രഭാകരൻ മാസ്റ്റർ, ടി.കൃഷ്ണൻ, സി.വിജയൻ മാസ്റ്റർ, കെ.വത്സൻ തുടങ്ങിയവർ സംസാരിച്ചു.
